অলিম্পিকৰ বাবে ২৫৮ যুৱ খেলুৱৈৰ তালিকাত অসমৰ যুৱ শ্বুটাৰ হৃদয় হাজৰিকা

২০২৪ আৰু ২০২৮ চনত হ'বলগীয়া অলিম্পিক খেলৰ বাবে নিৰ্বাচিত হৈছে অসমৰ অসমৰ ৭ গৰাকী খেলুৱৈ ৷ উক্ত তালিকা খনত যুৱ শ্বুটাৰ হৃদয় হাজৰিকাইয়ো স্থান লাভ কৰিছে ৷

বিহপুৰীয়া, 18 আগষ্টঃ কেন্দ্ৰীয় চৰকাৰৰ আঁচনি Junior TOPS (TARGET OLYMPIC PODIUM SCHEME ,DEVELOPMENT GROUP) ত নিৰ্বাচিত হৈছে যুৱ শ্বুটাৰ হৃদয় হাজৰিকাই ৷ ভাৰতক প্ৰতিনিধিত্ব কৰি অলিম্পিত স্থান লাভ কৰাৰ বাবে গৌৰৱ অনুভৱ কৰিছে জুনিয়ৰ বিশ্ব চেম্পিয়ন তথা আন্তঃৰাষ্ট্ৰীয় খ্যাতিসম্পন্ন যুৱ শ্বুটাৰ হৃদয় হাজৰিকাই ৷ TOPS ত দেশৰ মুঠ ২৫৮ যুৱ খেলুৱৈৰ তালিকাৰ ভিতৰত অসমৰ ৭ গৰাকী খেলুৱৈ নিৰ্বাচিত হৈছে ৷

কেন্দ্ৰীয় চৰকাৰৰ এই আঁচনিখনত নিৰ্বাচিত খেলুৱৈসকলক ২০২৪ আৰু ২০২৮ৰ অলিম্পিকৰ বাবে সাজু কৰি তোলা হ’ব ৷ নিৰ্বাচিত খেলুৱৈ কেইজনে উচ্চ মানৰ প্ৰশিক্ষণ, খেলৰ সামগ্ৰী আৰু ২৫,০০০ টকাৰ মাহিলি জলপানি লাভ কৰিব ৷ মূল TOPS ত অসমৰ হীমা দাস আৰু লাভলীনা বৰগোহাঞি নিৰ্বাচিত হৈছে ২০২১ চনৰ টকিঅ' অলিম্পিকৰ বাবে । উল্লেখ্য যে, লক্ ডাউনৰ সময়ছোৱাত ঘৰতে অনুশীলন কৰি আছে হৃদয় হাজৰিকাই ৷

লগতে পঢ়ক- ৰাষ্ট্ৰীয় পৰ্যায়ত চৰ্চিত অসমৰ এগৰাকী আৰক্ষী বিষয়াৰ কবিতা