লখিমপুৰ পহুমৰাত নিপকোৰ বিৰুদ্ধে ৰাষ্ট্ৰীয় ঘাইপথ অৱৰোধ

অসম জাতীয়তাবাদী যুৱ পৰিষদৰ লখিমপুৰ জিলা সমিতিৰ সহযোগত নাওবৈচা আঞ্চলিক সমিতিৰ ৰাজপথত উত্তাল প্ৰতিবাদ ৷ নিপকোৰ বাঢ়নি পানীয়ে নাওবৈচাৰ ৰাইজক হাৰাশাস্তি কৰাৰ প্ৰতিবাদত আৰু ভগ্ন মাথাউৰিৰ লগতে বাট-পথ সমুহৰ অতিশীঘ্ৰে মেৰামতি কৰাৰ দাবীত সংগঠনটোৰ এই প্ৰতিবাদ ৷

নাওবৈচা,২২মে': লখিমপুৰৰ ৰাজপথত প্ৰতিবাদ ৷ অসম জাতীয়তাবাদী যুৱ পৰিষদৰ লখিমপুৰ জিলা সমিতিৰ সহযোগত নাওবৈচা আঞ্চলিক সমিতিৰ ৰাজপথত উত্তাল প্ৰতিবাদ ৷ নিপকোৰ বাঢ়নি পানীয়ে নাওবৈচা ৰাইজক হাৰাশাস্তি কৰাৰ প্ৰতিবাদত আৰু ভগ্ন মাথাউৰিৰ লগতে বাট-পথ সমূহৰ অতিশীঘ্ৰে মেৰামতি কৰাৰ দাবীত সংগঠনটোৰ এই প্ৰতিবাদ ৷ বছৰি ৰঙানদীৰ বানত সৰ্বস্বান্ত হয় নদীপৰীয়া ৷ ৰঙানদী জলবিদ্যুৎ প্ৰকল্পই এৰি দিয়া পানীত ঘৰ,ভেটি,সা-সম্পত্তি হেৰোৱাই নিথৰুৱা হয় বহু পৰিয়াল ৷

লগতে পঢ়ক: ঢকুৱাখনাৰ চাৰিকড়ীয়া নৈত মৃতদেহ উদ্ধাৰ

কিন্তু কাণসাৰ নাই জাতি,মাটি,ভেটি সুৰক্ষাৰ কথা কৈ ঘৰিয়ালৰ চকুপানী টোকা ৰাজ্য চৰকাৰৰ ৷ বুধবাৰে লখিমপুৰৰ পহুমৰা তিনিআলীত দিনৰ 1 বজাৰ পৰা 2 ঘন্টীয়া 15নং ৰাষ্ট্ৰীয় ঘাইপথ অৱৰোধ কৰি চৰকাৰ আৰু নিপকোৰ বিৰোদ্ধে সাব্যস্ত কৰিলে প্ৰতিবাদ ৷