নাৰায়ণপুৰত চাৰিচকীয়া বাহনে মহতিয়ালে বাইক আৰোহীক

শুকুৰবাৰে নাৰায়ণপুৰত ভয়ংকৰ পথ দুৰ্ঘটনা ৷ মাৰুতি ব্ৰেজা বাহনে মহতিয়ালে এজন বাইক আৰোহীক ৷ সংকটজনক অৱস্থাত বাইক আৰোহী দিলীপ দাস ৷ আনহাতে গুৰুতৰভাৱে আহত চাৰিচকীয়া বাহনখনৰ আন দুগৰাকী যাত্ৰী ৷

বিহপুৰীয়া, 14 মে’ :লখিমপুৰৰ নাৰায়ণপুৰত শুকুৰবাৰে সংঘটিত হয় এক ভয়ংকৰ পথ দুৰ্ঘটনা ৷ তেজপুৰৰ পৰা লখিমপুৰ অভিমুখী মাৰুতি ব্ৰেজা বাহনে (AS-12-AA-1246) মহতিয়ালে এজন বাইক আৰোহীক ৷ ফলত দ’ খাৱৈত বাগৰি পৰিল চাৰিচকীয়া বাহনখন ৷ বাইকখনৰ নম্বৰ AS-007-F-8633 ৷

দুৰ্ঘটনাৰ ফলত গুৰুতৰভাৱে আহত হয় দিলীপ দাস নামৰ বাইক আৰোহীজন ৷ সংকটজনক অৱস্থাত দিলীপ দাসক নিকটৱৰ্তী হাস্পতাললৈ প্ৰেৰণ কৰা হয় ৷ আনহাতে, গুৰুতৰভাৱে আহত চাৰিচকীয়া বাহনখনৰ আন দুগৰাকী যাত্ৰী ৷

ইফালে দুৰ্ঘটনা সংঘটিত হোৱাৰ পাচতে প্ৰত্যক্ষদৰ্শীয়ে স্থানীয় আৰক্ষীক খবৰ দিয়ে যদিও আধাঘণ্টা পাচতহে দুৰ্ঘটনাস্থলীত উপস্থিত হয় আৰক্ষী ৷ যাৰ ফলস্বৰূপে আৰক্ষীৰ বিৰুদ্ধে ক্ষোভ প্ৰকাশ কৰে স্থানীয় ৰাইজে ৷

লগতে পঢ়ক :ৰঙিয়াত 24 ঘণ্টাত তিনি গৰাকী ক'ভিড আক্ৰান্তৰ মৃত্যু