নাওবৈচা,10 মাৰ্চ:কংগ্ৰেছ আৰু অগপৰ শিবিৰত কঁপনি তুলি নাওবৈচা সমষ্টিৰ পৰা ৰাইজৰ দলৰ প্ৰাৰ্থী হিচাপে মঙলবাৰে মনোনয়ন দাখিল কৰিলে আজিজুৰ ৰহমানে ৷ ৰাইজৰ দলত যোগদান কৰিয়েই প্ৰাৰ্থিত্ব লাভ কৰা আমছুৰ সদ্যপ্ৰাক্তন মুখ্য উপদেষ্টা আজিজুৰ ৰহমানৰ প্ৰাৰ্থিত্বই কংগ্ৰেছ আৰু অগপৰ শিবিৰত এক প্ৰকাৰৰ জোকাৰণি সৃষ্টি কৰিছে ৷ কাৰণ ছাত্ৰ নেতা হৈ থকাৰে পৰা সমষ্টিটোৰ ৰাইজৰ মাজত বিশেষ জনপ্ৰিয় ৰহমান ৷
মনোনয়ন দাখিল কৰি প্ৰাৰ্থী গৰাকীয়ে কয়, ৰাষ্ট্ৰীয়তাবাদৰ ৰাজনীতি নিঃশেষ কৰি প্ৰকৃত অঞ্চলিকতাবাদ প্ৰতিষ্ঠা কৰাই ৰাইজৰ দলৰ মূল লক্ষ্য ৷ গতিকে সদায় ৰাইজৰ হৈ কাম কৰি যাব ৷