লখিমপুৰ,1 মে’ঃলখিমপুৰ জিলাৰ নাওবৈচাৰ পানধোৱাত বৃহস্পতিবাৰে সংঘটিত হয় এক চাঞ্চল্যকৰ ঘটনা ৷ দেশত অব্যাহত থকা দ্বিতীয় পৰ্যায়ৰ লক্ ডাউনৰ মাজতে পানধোৱাত একাংশ ইছলামধৰ্মী লোক সমবেত হৈছিল নামাজ পঢ়াৰ বাবে ৷ আৰক্ষীয়ে এই বিষয়ে জানিব পৰাত দক্ষিণ পানধোৱাৰ কুৱেট মছজিদত উপস্থিত হৈ সমবেত লোকসকলক বাধা প্ৰদান কৰে ৷ কিন্তু, মছজিদটোত সমবেত লোকসকলে উত্তেজিত হৈ আৰক্ষীৰ দলটোৰ ওপৰত শিলাবৰ্ষণ কৰে ৷ ফলত আহত হয় নাওবৈচা আৰক্ষী থানাৰ উপ-পৰিদৰ্শক বিশ্বজিত নাথকে ধৰি দুজন আৰক্ষী জোৱানৰ উপৰিও গাঁৱখনৰ গাঁওবুঢ়াগৰাকী ৷ আক্ৰমণটোত বেয়াকৈ ক্ষতিগ্ৰস্ত হয় আৰক্ষীৰ এখন বাহন ৷
ৰাইজৰ আক্ৰমণত আহত আৰক্ষী