লখিমপুৰ, ২৮ মাৰ্চ :চিত্ৰশিল্পী নীলিম মহন্তক অৰুণাচল আৰক্ষীয়ে গ্ৰেপ্তাৰ কৰি নিয়াৰ পাছতেই লখিমপুৰত জ্বলিছে ক্ষোভৰ জুই । চিত্ৰশিল্পীগৰাকীৰ সমৰ্থনত ৰাজপথলৈ ওলাই আহিছে বিভিন্ন দল-সংগঠনৰ লগতে তেওঁৰ সমৰ্থক ৷ নীলিম মহন্তৰ মুক্তিৰ দাবীত ৰাজপথত উত্তাল প্ৰতিবাদ সাব্যস্ত কৰে তেওঁলোকে(Protest in Lakhimpur) ।
চিত্ৰশিল্পী নীলিম মহন্তৰ মুক্তিৰ দাবীত উত্তাল লখিমপুৰ
লখিমপুৰৰ নগৰৰ মাজ-মজিয়াত অৰুণাচলৰ মুখ্যমন্ত্ৰী পেমা খাণ্ডুৰ প্ৰতিকৃতি দাহ কৰে জাতীয়তাবাদী যুৱ ছাত্ৰ পৰিষদে (Pema Khandu's effigy burnt in Lakhimpur) । তেওঁলোকে শিল্পীগৰাকীক ১২ ঘন্টাৰ ভিতৰত বিনাচৰ্তে মুকলি কৰি লখিমপুৰলৈ প্ৰত্যাৱৰ্তন কৰাৰো বাবে সময়সীমা বান্ধি দিয়ে অৰুণাচল চৰকাৰ তথা প্ৰশাসনক ৷ অন্যথা অৰুণাচলৰ বিৰুদ্ধে সৰ্বাত্মক অৱৰোধৰ হুংকাৰ দিয়ে সংগঠনটোৱে ।