লখিমপুৰ, 12 অক্টোবৰ :মন্ত্ৰী নৱ কুমাৰ দলেৰ সমষ্টিত উন্নয়নৰ ফোপোলা ছবি ৷ কুৰি বছৰে তিৰপালৰ তম্বুৰ তলত দুৰ্বিসহ জীৱন যাপন দুৰ্ভগীয়া দম্পতীৰ । লখিমপুৰ জিলাৰ চাউলধোৱা গাঁও পঞ্চায়তৰ অন্তৰ্গত থেকেৰাগুৰিৰ ৰাজীৱ নাথ আৰু মণিকা নাথ নামৰ দম্পতীয়ে দিন হাজিৰা কৰি পেটৰ ভাত মোকোলাই আহিছে ৷ এদিন কামলৈ নগ'লে তেওঁলোকৰ উপাৰ্জন বন্ধ হৈ পৰে ৷
মন্ত্ৰী নৱ কুমাৰ দলেৰ সমষ্টিত উন্নয়নৰ ফোপোলা স্বৰূপ কিন্তু পৰিতাপৰ কথা যে, স্থানীয় বিধায়ক তথা ৰাজ্যৰ পঞ্চায়ত আৰু গ্ৰামোন্নয়ন মন্ত্ৰী নৱ কুমাৰ দলেক বহুবাৰ পৰিয়ালটিক সহায় কৰাৰ বাবে গুৰুত্ব প্ৰদান কৰিছিল যদিও কোনো ধৰণৰ সহায় নকৰাৰ অভিযোগ ৷ যাৰবাবে দৰিদ্ৰ পৰিয়ালটি বিগত বহু বছৰ ধৰি নৰক সদৃশ পৰিবেশত বসবাস কৰিব লগা হৈছে ৷
লগতে পঢ়ক :আজিৰে পৰাই সম্পূৰ্ণ উপস্থিতিৰে পূৰ্ণগতিত কাম কৰিব উচ্চতম ন্যায়ালয়ে
আনহাতে, মন্ত্ৰী নৱ কুমাৰ দলেৰ সমষ্টিত চৰকাৰী আৱাসগৃহ নিৰ্মানত ব্যাপক দুৰ্নীতি সংঘটিত হোৱাৰ অভিযোগ উত্থাপন হৈছে । হিতাধিকাৰীৰ একাউণ্টৰ পৰা ধন আত্মসাৎ কৰাৰ অভিযোগ পঞ্চায়ত প্ৰতিনিধিৰ বিৰুদ্ধে । জিলাখনৰ বগীনদী উন্নয়ন খণ্ডৰ অন্তৰ্গত থৌ-থোৱানী গাঁও পঞ্চায়তৰ 3 নং ৱাৰ্ডত প্ৰধানমন্ত্ৰী আৱাস যোজনাৰ গৃহ নিৰ্মাণত সংঘটিত হৈছে এই দুৰ্নীতি ।
মন্ত্ৰী নৱ কুমাৰ দলেৰ সমষ্টিত উন্নয়নৰ ফোপোলা স্বৰূপ অভিযোগ অনুসৰি, ৱাৰ্ড সদস্যা লিপিকা সোণোৱাল বুঢ়াগোঁহাইৰ তত্বাৱধানত নিৰ্মাণ কৰা আৱাস যোজনাৰ গৃহত এজাক বৰষুণ দিলেই সোমাই পানী । চক্ৰ বাহাদুৰ বিশ্বকৰ্মা আৰু কলিমাই বিশ্বকৰ্মাৰ নামত সম্পূৰ্ণ কৰিব লগা গৃহটোত নিম্নমানৰ টিনপাত, ঘূনেধৰা কাঠ ব্যৱহাৰ কৰি বিপুল পৰিমাণৰ ধন আত্মসাৎ কৰাৰ অভিযোগ উত্থাপিত হৈছে । ইফালে, ধন হৰলুকি কৰি হিতাধিকাৰীৰ পাচবুক আৰু এটিএম ঘূৰাই দিয়ে ৱাৰ্ড সদস্যা গৰাকীয়ে ।
লগতে পঢ়ক :আজি নেচিপু সুৰংগৰ আধাৰশিলা স্থাপন কৰিব প্ৰতিৰক্ষা মন্ত্ৰীয়ে
