লখিমপুৰ,7 জানুৱাৰী: মুখ্যমন্ত্ৰী সৰ্বানন্দ সোণোৱালৰ অধীনত থকা ৰাজ্যৰ গৃহ বিভাগৰ অন্তৰ্গত এখন আজৱ আৰক্ষী চকী ৷ য'ত অপৰাধীক আটক কৰি ৰাখিবলৈ নাই ল'ক-আপ ৷ আৰক্ষীৰ বাবে নাই উপযুক্ত সা-সুবিধা ৷ আৰক্ষী চকীৰ নামত এটা 80 দশকৰ উৱলি যোৱা ঘৰ ৷ 1988 চনতে স্থাপিত হোৱা এই আৰক্ষী চকীখন হৈছে লখিমপুৰৰ জহিং উপ- আৰক্ষী চকী। লখিমপুৰ নগৰৰ পৰা প্ৰায় 20 কিলোমিটাৰ নিলগৰ জহিং চাহ বাগিচাৰ কোৱাৰ্টাৰত থকা এই আৰক্ষী চকীখন যেন জহিং চাহ বাগিচাৰ ৰখিয়াহে । জহিং চাহ বাগিচাৰ ব্ৰিটিছৰ দিনৰে ঘৰ এটা লৈ কোনোমতে চলি আছে আৰক্ষী চকীখন। নাই থকাৰ লগতে খোৱাপানীৰ সু-ব্যৱস্থা । নাই অপৰাধীক আটক কৰি ৰাখিবলৈ লক-আপ ৷
এখন আজৱ আৰক্ষী চকীঃ অপৰাধীক ৰাখিবলৈ নাই ল'ক-আপ