বিহপুৰীয়া,১৭ অক্টোবৰ: অহা 8 নবেম্বৰত ৰাজ্যত অনুষ্ঠিত হ'ব দেউৰী স্বায়িত্ব শাসিত পৰিষদৰ পৰিষদীয় নিৰ্বাচন(Deori Autonomous Council Elections) । সমাগত দেউৰী স্বায়ত্ত শাসিত পৰিষদৰ নিৰ্বাচনৰ প্ৰাৰ্থী নিৰ্বাচনৰ বাবে দলীয় কাৰ্যকৰ্তাৰে এখন বৈঠকত অংশ লবলৈ আজি নাৰায়ণপুৰত উপস্থিত হয় মন্ত্ৰী পিয়ুষ হাজৰিকা । নাৰায়ণপুৰত উপস্থিত হৈ মন্ত্ৰী গৰাকীয়ে আজি নিশালৈ নাইবা কালিলৈৰ ভিতৰত বিজেপি মিত্ৰ জোটৰ প্ৰাৰ্থী তালিকাখন প্ৰকাশ কৰা হ’ব বুলি জানিবলৈ দিয়ে । লগতে মন্ত্ৰী গৰাকীয়ে পৰিষদৰ অন্তৰ্গত ২২ টা সমষ্টিতে বিজেপি মিত্ৰজোটৰ সমৰ্থিত প্ৰাৰ্থী জয় লাভ কৰি পৰিষদত বিজেপি শূণ্য হ'ব বুলিও মন্তব্য কৰে ।
ইফালে কংগ্ৰেছ দলৰ নিৰ্বাচনত কমলাক্ষ দে’ পুৰকায়স্থৰ ভোটাৰ তালিকাত নাম সন্নিবিষ্ট নোহোৱা আৰু ভূপেন বৰাক কটাক্ষ কৰি কেইবাটাও মন্তব্য কৰে মন্ত্ৰী গৰাকীয়ে(Congress Presidential Poll 2022) । তিনিবাৰৰ বিধায়ক তথা এগৰাকী দলৰ কাৰ্যকৰী সভাপতিৰ ভোটাৰ তালিকাত নাম নথকাতো অতি পৰিতাপৰ কথা বুলি উল্লেখ কৰে মন্ত্ৰীগৰাকীয়ে । কংগ্ৰেছৰ বিশৃংখলতাৰ প্ৰকাশ পাইছে বুলি উল্লেখ কৰে হাজৰিকাই । কংগ্ৰেছ দলৰ মাজত এয়া ভীষণ বেমেজালি বুলিও উল্লেখ কৰে মন্ত্ৰী পিয়ুষ হাজৰিকাই ।