লখিমপুৰ,২১ মাৰ্চ :লখিমপুৰ সমষ্টিৰ বিজেপিৰ প্ৰাৰ্থী মানৱ ডেকাৰ হৈ মন্ত্রী পীযুষ হাজৰিকাই দেওবাৰে নিৰ্বাচনী প্ৰচাৰ চলায় । মন্ত্ৰীগৰাকীয়ে কংগ্ৰেছৰ লগতে বদৰুদ্দিন আজমলক তীব্র ভাষাৰে সমালোচনা কৰি ভাষণ দিয়ে । তেওঁ অসমত কংগ্ৰেছৰ চৰকাৰ হোৱাটো আকাশত চাং পতাৰ দৰে অলীক কল্পনা বুলি অভিহিত কৰি এইবাৰ পুনৰ বিজেপিয়েই চৰকাৰ গঠন কৰিব বুলি মন্তব্য কৰে । মন্ত্ৰীগৰাকীয়ে মহাজোঁটক এটা প্ৰকাণ্ড আলু পিটিকা বুলিও বিদ্ৰুপ কৰে । আনহাতে এআইইউডিএফ-ৰ প্ৰধান বদৰুদ্দিন আজমলক সমালোচনা কৰি মন্ত্ৰী পীযুষ হাজৰিকাই কয় যে, তেওঁলোক ক্ষমতালৈ আহিলে আজমল গৃহমন্ত্ৰী হ’ব । ফলত ৰাজ্যত চোৰ-ডকাইতৰ তাণ্ডব বাঢ়িব ।
অসমত কংগ্ৰেছৰ চৰকাৰ হোৱাটো আকাশত চাংপতাৰ দৰে অলীক কল্পনা : পীয়ুশ হাজৰিকা