লখিমপুৰত লক্ষাধিক মূল্যৰ হেৰ'ইন সহ গ্ৰেপ্তাৰ ড্ৰাগছ মাফিয়া

লখিমপুৰৰ বান্দৰদেৱাত লক্ষাধিক মূল্যৰ হেৰ'ইনসহ এজন ড্ৰাগছ মাফিয়াক গ্ৰেপ্তাৰ । কমল পেগু নামৰ ড্ৰাগছ সৰবৰাহকাৰী জনৰ পৰা হেৰ'ইনৰ কন্টেইনাৰ সহ দুটা ম'বাইল আৰু পাঁচশ সত্তৰ টকা নগদ ধন জব্দ কৰে ।

নাওবৈচা, 10 নৱেম্বৰ : বিহপুৰীয়া-বান্দৰদেৱা আৰক্ষীৰ সফলতা ৷ লখিমপুৰ জিলাৰ অসম-অৰুণাচল সীমান্তৱৰ্তী বান্দৰদেৱা আৰক্ষী চকীৰ অন্তৰ্গত ডিক্ৰং নদীৰ দলঙৰ তলত আৰক্ষীয়ে গ্ৰেপ্তাৰ কৰিছে এক ড্ৰাগছ সৰবৰাহকাৰীক ৷ গ্ৰেপ্তাৰ কৰা লোকজনৰ পৰা উদ্ধাৰ হৈছে লক্ষাধিক টকা মূল্যৰ হেৰ'ইন ৷

লখিমপুৰত লক্ষাধিক মূল্যৰ হেৰ'ইন সহ গ্ৰেপ্তাৰ ড্ৰাগছ মাফিয়া

বিহপুৰীয়া আৰক্ষী থানাৰ আৰক্ষী পৰিদৰ্শক হিৰণ্য পাটৰ আৰু বান্দৰদেৱা আৰক্ষী চকীৰ আৰক্ষী বিষয়া মদন চন্দ্ৰ কলিতাৰ নেতৃত্বত এটা আৰক্ষীৰ দলে সৰবৰাহকাৰী জনক গ্ৰেপ্তাৰ কৰে ৷ কমল পেগু নামৰ ড্ৰাগছ সৰবৰাহকাৰী জনৰ পৰা এশটা সন্দেহজনক হেৰ'ইনৰ কন্টেইনাৰ সহ দুটা ম'বাইল আৰু পাঁচশ সত্তৰ টকা নগদ ধন জব্দ কৰে ।

ড্ৰাগছ মাফিয়াৰ পৰা উদ্ধাৰ কৰা সামগ্ৰী

উল্লেখযোগ্য যে, সীমান্তৱৰ্তী বান্দৰদেৱাৰ পৰাই সমগ্ৰ লখিমপুৰ জিলাখনতে নিষিদ্ধ ড্ৰাগছৰ কলা ব্যৱসায় চলি আছে । লখিমপুৰ আৰক্ষীয়ে মাজে সময়ে দুই এজন ড্ৰাগছৰ ব্যৱসায়ীক গ্ৰেপ্তাৰ কৰি আহিছে যদিও এই নিষিদ্ধ ব্যৱসায়টো উৎখাত কৰিব পৰা নাই ।

লগতে পঢ়ক :ডিফুৰ ৰাংছিনা ভৱনত বিশিষ্ট সাহিত্যিক ৰংবং তেৰাং