নাওবৈচা,১১ জানুৱাৰী: লখিমপুৰ জিলাৰ নাওবৈচাত বিগত সাত বছৰে এখন বিচনাতে দিন অতিবাহিত কৰিছে এটি কিশোৰে ৷ কিশোৰটিৰ নাম পংকজ সৰকাৰ ৷ নাওবৈচা বিধানসভা সমষ্টিৰ অন্তৰ্গত দীঘপুখুৰী গাঁৱৰ মৰল সৰকাৰ আৰু জ্যোৎস্না সৰকাৰৰ একমাত্ৰ পুত্ৰ পংকজ সৰকাৰ ৷
সাত বছৰ পূৰ্বে অৰ্থাৎ ২০১৩ চনৰ ডিচেম্বৰ মাহত নিজৰ বাৰীৰ এজোপা জলফাই গছত উঠোতেই দুৰ্ভাগ্যৱশত ওপৰৰ পৰা সৰি পৰিছিল কিশোৰটি । ফলত কঁকালত গুৰুতৰভাৱে আঘাতপ্ৰাপ্ত কিশোৰটিক পিতৃ মাতৃয়ে কেইবা লক্ষাধিক টকা খৰছ কৰি গুৱাহাটীৰ জি এন আৰ চি হাস্পতালত চিকিৎসা কৰাইছিল যদিও আজিলৈকে সুস্থ হৈ নুঠিল পংকজ । পুত্ৰৰ চিকিৎসাৰ নামত অতি দৰিদ্ৰ পিতৃ মাতৃয়ে নিজৰ মাটি বাৰী বিক্ৰী কৰি সৰ্বস্বান্ত হৈছে পৰিয়ালটো ৷ এতিয়া দুৰ্ভগীয়া পৰিয়ালটোৱে চৰকাৰ তথা সহৃদয়বান লোকৰ সহায় বিচাৰি কাতৰ আহ্বান জনাইছে ৷
লগতে পঢ়ক: গোৱালপাৰাত গুলিচালনাৰ ঘটনা : আহত 6 গৰাকী
