নাওবৈচাৰ বিজেপিৰ চাইকেল ৰেলীত হিমন্ত বিশ্ব শৰ্মা

নাওবৈচাত বিশাল চাইকেল ৰেলীৰে নিৰ্বাচনীক ৰণডংকা বজালে মন্ত্ৰী হিমন্ত বিশ্ব শৰ্মাই  ৷ এই চাইকেল ৰেলীত শতাধিক বিজেপি কৰ্মীয়ে অংশগ্ৰহণ কৰে ৷

নাওবৈচা, ২১ফেব্ৰুৱাৰী: নাওবৈচাত বিশাল চাইকেল ৰেলীৰে নিৰ্বাচনীক ৰণডংকা বজালে মন্ত্ৰী হিমন্ত বিশ্ব শৰ্মাই ৷ এই চাইকেল ৰেলীত শতাধিক বিজেপি কৰ্মীয়ে অংশগ্ৰহণ কৰে ৷

উক্ত ৰেলীয়ে ১৫ নং ৰাষ্ট্ৰীয় ঘাইপথেদি পহুমৰাৰ পৰা লালুকলৈকে ২০ কিল'মিটাৰ বাট অতিক্ৰম কৰে ৷ উল্লেখ্য যে, বিজেপিৰ এই ৰেলীৰ বাবে নাওবৈচা সমীপৰ 15 নং ৰাষ্ট্ৰীয় ঘাই পথত তীব্ৰ যান-জঁটৰ সৃষ্টি হয় ৷ লগতে বহু সময়ৰ বাবে আৱদ্ধ হৈ পৰে ৰোগীক কঢ়িয়াই লৈ যোৱা এম্বুলেঞ্চ।

ৰেলীৰ অন্তত সাংবাদিকক সম্বোধন কৰি হিমন্তই কয়, এইবাৰ নিৰ্বাচনত নাওবৈচা সমষ্টিত বিজেপিয়ে জয়ী হ'ব ৷ কংগ্ৰেছ , ইউডিএফয়ে নাওবৈচা সমষ্টিত বিজেপিৰ ওপৰ কোনো প্ৰভাৱ পেলাব নোৱাৰে বুলি হিমন্ত বিশ্ব শৰ্মাই মত প্ৰকাশ কৰে ৷

লগতে পঢ়ক: বোকাখাত সমষ্টিত বিজেপি-অগপৰ বৃহৎ প্ৰত্যাহ্বান হ'ব জিতেন গগৈ