APDCLৰ কাকত ফাদিলৰ অভিযোগত নাওবৈচাত যুৱকক গ্ৰেপ্তাৰ

নাওবৈচা মহাবিদ্যালয়ৰ পৰীক্ষা কেন্দ্ৰত প্ৰশ্নকাকত ম'বাইল ফোনযোগে ফটো মাৰি আনলৈ প্ৰেৰণ কৰোঁতে যুৱকজন ধৰা পৰে ৷ ঘিলামৰাৰ বৰদৈবামৰ পৰীক্ষাৰ্থীজনক নাওবৈচা আৰক্ষীয়ে গ্ৰেপ্তাৰ কৰি তদন্ত আৰম্ভ কৰিছে ৷

লখিমপুৰ, 29 এপ্ৰিলঃ চূড়ান্ত বেমেজালিৰে দেওবাৰে অনুষ্ঠিত অসম শক্তি বিতৰণ কোম্পানী লিমিটেডৰ নিযুক্তি পৰীক্ষাৰ প্ৰশ্নকাকত ফাদিল কৰাৰ অভিযোগত লখিমপুৰৰ নাওবৈচা আৰক্ষীয়ে এজন যুৱকক গ্ৰেপ্তাৰ কৰিছে ৷ ধৃত যুৱকজনৰ নাম চিত্ৰৰঞ্জন শইকীয়া ৷ নাওবৈচা মহাবিদ্যালয়ৰ পৰীক্ষা কেন্দ্ৰত প্ৰশ্নকাকত ম'বাইল ফোনযোগে ফটো মাৰি আনলৈ প্ৰেৰণ কৰোঁতে যুৱকজন ধৰা পৰে ৷ ঘিলামৰাৰ বৰদৈবামৰ পৰীক্ষাৰ্থীজনক নাওবৈচা আৰক্ষীয়ে গ্ৰেপ্তাৰ কৰি তদন্ত আৰম্ভ কৰিছে ৷