লখিমপুৰ,25ছেপ্টেম্বৰঃ লখিমপুৰত সংঘটিত হৈছে চাইবাৰ ক্ৰাইমৰ এক ঘটনা । যোৱা 20 ছেপ্টেম্বৰৰ দিনা উত্তৰ লখিমপুৰ আঞ্চলিক ছাত্ৰ সন্থাই পৌৰ সভাৰ বিৰুদ্ধে হাতত লৈছিল এক প্ৰতিবাদী কাৰ্যসূচী । কিন্তু উক্ত বেনাৰত কোনো উদণ্ড যুৱকে অশ্লীল শব্দ সংযোগ কৰি সামাজিক মাধ্যম ফেচবুক আৰু হোৱাটছএপ যোগে বিয়পাই দিয়ে ৷ যাৰ পাচতে এই কাৰ্যত জাঙুৰ খাই উঠে উত্তৰ লখিমপুৰ আঞ্চলিক ছাত্ৰ সন্থা ৷
আছুৰ বেনাৰত অশ্লীল শব্দ লিখি জেললৈ 2 যুৱক - আছুৰ বেনাৰত অশ্লীল শব্দ
আছুৰ বেনাৰত অশ্লীল শব্দ লিখি লখিমপুৰত জেললৈ গ'ল সুশীল দলে আৰু ৰাজিব পামেগাম নামৰ দুজন যুৱক ৷ আৰক্ষীয়ে বৰ্তমানেও কৰায়ত্ব কৰিব পৰা নাই এজাহাৰত উল্লেখিত আন 4 যুৱকক ৷
আছুৰ বেনাৰত অশ্লীল শব্দ লিখি জেললৈ 2 যুৱক
পাচত 21 ছেপ্টেম্বৰৰ দিনা আছুৰ কৰ্মী সকলে প্ৰথম পৰ্যায়ত সুশীল দলে, বিষ্ণু কুম্বাঙ, ৰাজীব পামেগাম, দেবজিত চুক্ৰাঙ, মন্দীপ পেগু আৰু মুকুল দলে নামৰ 6 যুৱকৰ ওপৰত সন্দেহ কৰি এখন এজাহাৰ দাখিল কৰে । ইতিমধ্যে আছুৰ কৰ্মীৰ তৎপৰতাত আৰক্ষীয়ে ইয়াৰে সুশীল দলে আৰু ৰাজিব পামেগাম নামৰ দুজনক আটক কৰি জেললৈ প্ৰেৰণ কৰিছে ৷ লগতে বুধবাৰেও এই কাৰ্যৰ লগত জড়িত ধ্ৰুবজ্যোতি স্বৰ্গীয়াৰী, হোমেন টাইড আৰু উজ্জ্বল টাইড নামৰ আন 3 যুৱকক ছাত্ৰ সন্থাৰ কৰ্মীয়ে আটক কৰি লখিমপুৰ সদৰ থানাত চমজাই দিছে ৷ ইপিনে ঘটনাৰ সৈতে জড়িত আন অভিযুক্তকেইটাক বিচাৰি আৰক্ষীয়ে অভিযান অব্যাহত ৰাখিছে ৷