নাওবৈচা মহাবিদ্যালয়ত বিজ্ঞানসন্মতভাৱে আচাৰ, জাম জেলী প্ৰস্তুতকৰণৰ দুদিনীয়া প্ৰশিক্ষণ সম্পূৰ্ণ

প্ৰশিক্ষণ প্ৰদান কৰে নৱসঞ্জীৱনী এন জি অৰ সভাপতি গংগাজ্যোতি টায়েগাম আৰু লক্ষীমপুৰ কৃষি বিভাগৰ ফল-মূল সংৰক্ষণ বিভাগৰ কমৰ্চাৰী ভদ্ৰেস্বৰ শইকীয়া।

নাওবৈচা , 27 জুনঃ নাওবৈচা মহাবিদ্যালয়ৰ শিক্ষক গোটৰ অন্তৰ্গত মহিলা কোষৰ উদ্যোগত আৰু নৱ-সঞ্জীৱনী সহযোগত মহাবিদ্যালয়ৰ শিক্ষক জিৰণি ভৱনত বিগত ২৫,২৬ জুনত দুদিনীয়া কাৰ্যসূচীৰে বিজ্ঞানসন্মতভাৱে আচাৰ,জাম,জেলী জুছ প্ৰস্তুতকৰণৰ এক প্ৰশিক্ষণ অনুষ্ঠিত হয়৷ প্ৰশিক্ষণ কাৰ্যসূচীত মহাবিদ্যালয়খনৰ ৪৭ গৰাকী ছাত্ৰীক প্ৰশিক্ষণ দিয়া হয়। প্ৰশিক্ষণ প্ৰদান কৰে নৱসঞ্জীৱনী এন জি অৰ সভাপতি গংগাজ্যোতি টায়েগাম আৰু লক্ষীমপুৰ কৃষি বিভাগৰ ফল-মূল সংৰক্ষণ বিভাগৰ কমৰ্চাৰী ভদ্ৰেস্বৰ শইকীয়া।

নৱসঞ্জীৱনী এন জি অৱে ছাত্ৰীসকলক ঘৰুৱাভাৱে সুলভ আম , মধুৰিআম. কঁঠাল, নৰাবগৰী , আহোমবগৰী, কল আদি ফল-মূলে কি দৰে আচাৰ, জাম, জেলী, জুছ, প্ৰস্তুত কৰি নিজৰ লগতে সমাজখনক স্বাৱলম্বী কৰি তুলিব পাৰে তাৰ ওপৰত প্ৰশিক্ষণ প্ৰদান কৰা হয় ৷ প্ৰশিক্ষণৰ অন্তত ছাত্ৰী সকলক এনজিঅৰ তৰফৰ পৰা প্ৰমাণপত্ৰ প্ৰদান কৰে।