বিহপুৰীয়া, 6 নৱেম্বৰ:টোলগেটক লৈ বিভিন্ন দল-সংগঠনে বিৰোধিতা কৰি অহাৰ সময়তে এক মন্তব্য আগবঢ়াইছে বিজেপিৰ বিহপুৰীয়া সমষ্টিৰ বিধায়ক দেবানন্দ হাজৰিকাই ৷ ৰাজ্যৰ ৰাষ্ট্ৰীয় ঘাইপথত স্থাপন কৰা টোল গেটক লৈ চৰকাৰক সমালোচনা বিজেপিৰ বিধায়কগৰাকীৰ ৷
টোলগেট সম্পৰ্কত বিধায়ক দেবানন্দ হাজৰিকাৰ মন্তব্য
ৰাজ্যত ভিন্ন স্থানত স্থাপন কৰা টোলগেটক লৈ বিভিন্ন মহলে ভিন ভিন মন্তব্য কৰাৰ মাজতে বিজেপিৰ বিহপুৰীয়া সমষ্টিৰ বিধায়ক দেবানন্দ হাজৰিকাৰ বিশেষ মন্তব্য ৷ টোলগেট সমূহত উচ্চ হাৰত কৰ সংগ্ৰহ কৰা কাৰ্যক লৈ বিধায়ক গৰাকীয়ে এক গুৰুত্বপূৰ্ণ মন্তব্য প্ৰদান কৰিছে ৷ লক্ষিমপুৰৰ নাৰায়ণপুৰ 15 নং ৰাষ্ট্ৰীয় ঘাইপথৰ পথালিপাহাৰত স্থাপন কৰা টোলগেটে কৃষক ৰাইজক হাৰাশাস্তি কৰাৰ সম্ভাৱনা ৷
টোলগেট সম্পৰ্কত বিধায়ক দেবানন্দ হাজৰিকাৰ মন্তব্য
ৰাজ্যৰ বিভিন্ন স্থানত ৰাষ্ট্ৰীয় ঘাইপথত স্থাপন কৰা টোলগেট সমূহত উচ্চ হাৰত কৰ সংগ্ৰহ কৰা কাৰ্যক লৈ বিধায়ক গৰাকীয়ে কয় যে ৰাইজৰ সামৰ্থ অনুযায়ী কৰৰ পৰিমাণ নিৰ্ধাৰণ কৰিলে ভাল ৷ তেওঁ লগতে কয় যে কোনোৱে সৰু গাড়ী এখন লৈ ওলাই গ’লেও যদি তিনিশ বা চাৰিশ টকা কৰ দিব লগা হয়, তেনেহলে সেয়া জনতাক ডকাইটি কৰা হৈছে ৷ এই সম্পৰ্কে চৰকাৰ তথা মুখ্যমন্ত্ৰী সৰ্বানন্দ সোণোৱালৰ সৈতে আলোচনা কৰিব বুলি বিধায়কগৰাকীয়ে জানিবলৈ দিয়ে ৷
টোলগেট সম্পৰ্কত বিধায়ক দেবানন্দ হাজৰিকাৰ মন্তব্য
উল্লেখ্য যে নাৰায়ণপুৰ 15 নং ৰাষ্ট্ৰীয় ঘাইপথৰ পথালিপাহাৰত চৰকাৰে এখন টোলগেট স্থাপন কৰিছে ৷ গেটখনৰ সকলো কাম কাজ প্ৰায় সম্পূৰ্ণ হোৱাৰ পথত আৰু অতি শীঘ্ৰেই এই টোলগেটখন কৰ সংগ্ৰহৰ বাবে মুকলি কৰা হ’ব বুলি অনুমান কৰা হৈছে ৷ যিহেতু উক্ত পথেদি গৈ বান্দৰদেৱা অথবা হাৰমতী বজাৰত নাৰায়ণপুৰ অঞ্চলৰ গৰিষ্ঠসংখ্যক কৃষক আৰু ক্ষুদ্ৰ ব্যৱসায়ীয়ে উৎপাদিত কৃষিজাত সামগ্ৰী বিক্ৰী কৰি পৰিয়াল পোহপাল দি আহিছে ৷ সেয়ে টোলগেট খনত কৰ সংগ্ৰহ প্ৰক্ৰিয়া আৰম্ভ হ'লেই অঞ্চলটোৰ কৃষক তথা ক্ষুদ্ৰ ব্যৱসায়ী সকল তীব্ৰ হাৰাশাস্তিৰ সন্মুখীন হোৱাৰ সম্ভাৱনা আছে ।
লগতে পঢ়ক:দিবন ডেকাৰ জামিন আবেদন খাৰিজ ন্যায়ালয়ৰ