লেটেকুপুখুৰীত মাধৱদেৱৰ ৪২৫ সংখ্যক তিৰোভাৱ তিথি পালন

মহাপুৰুষ শ্ৰীশ্ৰী মাধৱদেৱৰ 425 সংখ্যক তিৰোভাৱ তিথি উপলক্ষে শুকুৰবাৰৰ পুৱাৰে পৰা ৰাজ্যৰ বিভিন্ন প্ৰান্তৰ সত্ৰ-নামঘৰসমূহ হৰিনামৰ ধ্বনিৰে মুখৰিত হৈ পৰিছে ৷ ৰাজ্যৰ আন প্ৰান্তৰ সমান্তৰালৈক গুৰুজনাৰ জন্মস্থান লেটেকুপুখুৰীটো উদযাপন কৰা হৈছে 425 সংখ্যক তিৰোভাৱ তিথি ৷

বিহপুৰীয়া,27 আগষ্ট: আজি পবিত্ৰ ভাদ মাহৰ কৃষ্ণা পঞ্চমী তিথি তথা মহাপুৰুষ শ্ৰীমন্ত শংকৰদেৱৰ প্ৰপন্ন শিষ্য মহাপুৰুষ শ্ৰীশ্ৰী মাধৱদেৱৰ 425 সংখ্যক তিৰোভাৱ তিথি ৷ ৰাজ্যৰ অন্যান্য প্ৰান্তৰ সমান্তৰালকৈ মহাপুৰুষ শ্ৰীশ্ৰী মাধৱদেৱৰ জন্মস্থান লেটেকুপুখুৰীটো উদযাপন কৰা হৈছে 425 সংখ্যক তিৰোভাৱ তিথি ৷ ক'ভিডৰ ভয়াবহতাৰ প্ৰতি লক্ষ্য ৰাখি চৰকাৰে বান্ধি দিয়া নিয়ম অনুসৰি এইবাৰ অনুষ্টুপীয়াকৈ আয়োজন কৰা হৈছে মহাপুৰুষ শ্ৰীশ্ৰী মাধৱদেৱ গুৰুজনাৰ তিৰোভাৱ তিথি ৷

কাৰ্যসূচী অনুসৰি পুৱাৰ ভাগত পৰিবেশ নিকাকৰণৰ পিছতে সিমিত সংখ্যক ভকত-বৈষ্ণৱৰ অংশগ্ৰহণেৰে নাম প্ৰসংগ কৰাৰ পিছতে প্ৰসাদ বিতৰণৰ অন্তত সামৰণি পৰে তিৰোভাৱ তিথি ৷ পূৰ্বে লেটেকুপুখুৰীত অতি বিস্তৃত কাৰ্যসূচীৰে গুৰুজনাৰ তিথি পালন কৰা হৈছিল যদিও এইবাৰ ক'ভিড সৃষ্ট পৰিৱেশৰ বাবে অতি অনুষ্টুপীয়াকৈ পালন কৰা হয় গুৰুজনাৰ তিথি ৷ ক'ভিড মহামাৰীৰ ভয়াৱহতা ওৰ পৰাৰ পাছতহে ধৰ্মীয় স্থান সমূহত পুনৰ পূৰ্বৰ দৰে উদযাপন কৰা হ'ব বিভিন্ন উৎসৱ-পাৰ্বন সমূহ ৷

উল্লেখ্য যে, মাধৱদেৱে বিষয়-বাসনাৰ প্ৰতি উৎসাহ নেদেখুৱাইছিল যদিও নিজৰ প্ৰতিজন শিষ্যকে খেতি-বাতি বা ব্যৱসায়-বাণিজ্যৰে স্বাৱলম্বী হ’বলৈ উৎসাহ দিছিল । ধৰ্ম প্ৰচাৰৰ লগতে সাহিত্য সংস্কৃতিৰো পূজাৰী এইজনা মহান গুৰুৰ সাহিত্যিক জীৱনৰ কীৰ্তিস্তম্ভ হ’ল ‘নামঘোষা’ । এহেজাৰটা ঘোষা থকা বাবে নামঘোষাক ‘হেজাৰী ঘোষা’ বুলিও কোৱা হয় ।

মাধৱদেৱে একাধিক বৰগীত, ভটিমা, নাট (ঝুমুৰা) আদি ৰচনা কৰিছিল । মাধৱদেৱে বাৰকুৰি (দুশ চল্লিশ) বৰগীত ৰচনা কৰিছিল বুলি প্ৰবাদ আছে যদিও বৰ্তমান সৰ্বমুঠ নকুৰি এঘাৰটা (এশ একান্নবৈটা) মান গীতহে উপলব্ধ । অৱশ্যে, ইয়াৰ ভিতৰত কিছু সংখ্যক অংকীয়া নাটৰ গীতো সন্নিৱিস্ত হৈ আছে । তেওঁ সৰ্বমুঠ ১৫৭টা বৰগীত ৰচনা কৰিছে ৷ মহাপুৰুষগৰাকীৰ তিৰোভাৱ তিথি উপলক্ষে ৰাজ্যৰ বিভিন্ন সত্ৰ-নামঘৰসমূহ পুৱাৰে পৰা হৰিনামৰ ধ্বনিৰে মুখৰিত হৈ পৰিছে ৷

লগতে পঢ়কঃমাধৱদেৱৰ তিৰোভাৱ তিথিত দ্বিতীয় বৈকুণ্ঠ পুৰিলৈ পৰিণত মাজুলী