লখিমপুৰত উপস্থিত বহিঃৰাজ্যত আবদ্ধ ৪৩ জন লোক

লখিমপুৰত উপস্থিত বহিঃৰাজ্যত আবদ্ধ ৪৩ জন লোক । শুকুৰবাৰে চেন্নাইৰ পৰা গুৱাহাটীত উপস্থিত হোৱা শিশু-মহিলাসহ ২৮ জন লোকক গুৱাহাটীৰ পৰা বাছেৰে লখিমপুৰলৈ নিয়া হয় আৰু দিল্লীৰ পৰা অহা ১৫ জন লোকো লখিপুৰত উপস্থিত হয় ৷ আটাইকেইজন লোকৰে তেজৰ নমুনা পৰীক্ষা কৰি কোৱাৰেণ্টাইনত ৰখা হয় ৷

লখিমপুৰ, 15 মে’: শুকুৰবাৰে লখিমপুৰত উপস্থিত হয় দিল্লীত কৰ্মৰত ১৫ জন লোক । লগতে চেন্নাইৰ পৰা গুৱাহাটীত উপস্থিত হোৱা শিশু-মহিলাসহ ২৮ জন লোক গুৱাহাটীৰ পৰা বাছেৰে উপস্থিত হয় লখিমপুৰত। চেন্নাই পৰা অহাসকলক নাৰায়ণ পুৰৰ মাধৱদেৱ বিশ্ববিদ্যালয় আৰু লখিমপুৰৰ দুখন হোটেলত পৰীক্ষা কৰি ৰখা হয় । তেওঁলোকৰ পৰা সংগ্ৰহ কৰা নমুনাৰ ফলাফল অহাৰ পিছতহে তেওঁলোকক যাবলৈ অনুমতি দিয়া হ’ব বুলি জানিব পৰা গৈছে ৷

ইয়াৰ সমান্তৰালকৈ দিল্লীৰ পৰা অহা ১৫ জন লোকৰো নমুনা সংগ্ৰহ কৰি ইতিমধ্যে লাহোৱালৰ পৰীক্ষাগাৰলৈ পঠিওৱা হৈছে। পৰীক্ষাৰ ফলাফলৰ পিছত কৰ’ণাৰ কোনো লক্ষণ দেখা নোপোৱা পৰ্যন্ত ৰখা তেওঁলোককো কোৱাৰেণ্টাইনত ৰখা হ’ব ।

লগতে পঢ়ক : অৰেঞ্জ জ‘নৰ পৰা প্ৰত্যাহাৰ ধুবুৰী জিলা