PM Modi's Assam visit : লখিমপুৰ কেঞ্চাৰ হাস্পতালত এহেজাৰ গছি বন্তি প্ৰজ্বলন

আজি অসমত উপস্থিত হ’ব দেশৰ প্ৰধানমন্ত্ৰী নৰেন্দ্ৰ মোডী আৰু শুভ উদ্বোধন কৰিব লখিমপুৰ কেঞ্চাৰ হাস্পতালৰ লগতে ৰাজ্যৰ অন্যান্য 6 খনকৈ কেঞ্চাৰ হাস্পতাল ৷ সেয়ে প্ৰধানমন্ত্ৰী গৰাকীক আদৰণিৰ লগতে কৃতজ্ঞতা জনোৱাৰ উদ্দেশ্যে বুধবাৰে লখিমপুৰ কেঞ্চাৰ হাস্পতালত এহেজাৰ গছি বন্তি প্ৰজ্বলন কৰা হয় (Thousand earthen lamps lit at Lakhimpur Cancer Hospital) ।

লখিমপুৰ, 28 এপ্ৰিল : অৱশেষত বহু প্ৰতীক্ষাৰ অন্তত আজি অৰ্থাৎ বৃহস্পতিবাৰে অসমলৈ আহিব দেশৰ প্ৰধানমন্ত্ৰী নৰেন্দ্ৰ মোডী (PM Modi to visit Assam) ৷ যাৰ বাবে ৰাজ্য চৰকাৰ তথা প্ৰশাসনৰ ফালৰ পৰা ইতিমধ্যে প্ৰস্তুতি সম্পূৰ্ণ হৈ উঠিছে (Preparing for PM meeting) ৷ প্ৰধানমন্ত্ৰীগৰাকীৰ অসম ভ্ৰমণৰ এটা দিন পূৰ্বে অৰ্থাৎ বুধবাৰে নিশা লখিমপুৰ চিকিৎসা মহাবিদ্যালয়ৰ চৌহদত আয়োজিত কৰা হয় এক বিশেষ কাৰ্যসূচী ৷

এহেজাৰ গচি বন্তি প্ৰজ্বলন লখিমপুৰ কেন্সাৰ হাস্পতালত

দেশৰ প্ৰধান মন্ত্ৰীগৰাকীয়ে উদ্বোধন কৰাৰ পূৰ্বে লখিমপুৰ কেঞ্চাৰ হাস্পতালত প্ৰজ্বলন কৰা হয় এহেজাৰ গছি বন্তি (Thousand earthen lamps lit at Lakhimpur Cancer Hospital) ৷ উল্লেখ্য যে, বৃহস্পতিবাৰে প্ৰধানমন্ত্ৰী নৰেন্দ্ৰ মোডীয়ে ৰাজ্যৰ 7 খনকৈ কেঞ্চাৰ চিকিৎসালয় আনুষ্ঠানিকভাৱে শুভাৰম্ভ কৰিব (PM Modi to inaugurate 7 cancer hospital) ৷ ইয়াৰ ভিতৰত আছে লখিমপুৰ চিকিৎসা মহাবিদ্যালয়ৰ নাম ৷

লগতে পঢ়ক :PM Modi to Visit Assam: কঁকালত টঙালি বান্ধি সাজু ডিব্ৰুগড় আৰক্ষী-প্ৰশাসন

লখিমপুৰ চিকিৎসা মহাবিদ্যালয়ৰ চৌহদত নিৰ্মিত অত্যাধুনিক কেঞ্চাৰ চিকিৎসালয়খন ডিব্ৰুগড়ৰৰ পৰাই ভাৰ্চুৱেলী শুভাৰম্ভ কৰিব দেশৰ প্ৰধানমন্ত্ৰী নৰেন্দ্ৰ মোডীয়ে ৷ 45 খন বিচনাযুক্ত এই কেঞ্চাৰ চিকিৎসালয়ত আছে দন্ত চিকিৎসাৰ ব্যৱস্থাও ৷ এই চিকিৎসালয়ত 29 এপ্ৰিলৰ পৰা দন্ত চিকিৎসক সহ চাৰিগৰাকী চিকিৎসকে বিনামূলীয়াকৈ চিকিৎসা সেৱা প্ৰদান কৰিব বুলি জানিব পৰা গৈছে ৷

সেয়ে চিকিৎসালয়খন শুভাৰম্ভৰ প্ৰাক সন্ধিয়া 1000 গছি বন্তি প্ৰজ্বলনেৰে দেশৰ প্ৰধানমন্ত্ৰী নৰেন্দ্ৰ মোডীক আদৰণিৰ লগতে কৃতজ্ঞতা জনোৱাৰ উদ্দেশ্যে লখিমপুৰৰ বিধায়কৰ লগতে চিকিৎসালয়খনৰ চিকিৎসক তথা কৰ্মচাৰী সকলে এই কাৰ্যসূচী অনুষ্ঠিত কৰে ৷

লগতে পঢ়ক :কাৰ্বি পাহাৰত লক্ষাধিক ত্ৰিৰংগা প্ৰদৰ্শনেৰে প্ৰধানমন্ত্ৰীক আদৰাৰ পৰিকল্পনা বিজেপিৰ