লখিমপুৰত দিহিং পাটকাইত কয়লাৰ মুক্ত খননৰ প্ৰতিবাদ ছাত্ৰ সন্থাৰ

দিহিং পাটকাই হস্তী বনাঞ্চলৰ সংৰক্ষণৰ দাবীত দেওবাৰে সদৌ অসম ছাত্ৰ সন্থাৰ লখিমপুৰ জিলা সমিতিয়ে সাব্যস্ত কৰে প্ৰতিবাদ । হাতে হাতে প্লেকাৰ্ড লৈ দিহিং পাটকাইক সংৰক্ষণৰ দাবী উত্থাপন কৰে সংগঠনটোৰ সদস্যসকলে ।

লখিমপুৰ,23 মেঃ দিহিং পাটকাই হস্তী বনাঞ্চলত কেন্দ্ৰীয় চৰকাৰে কয়লাৰ মুক্ত খননৰ বাবে দিয়া অনুমতিৰ বিৰুদ্ধে জাঙুৰ খাই উঠিছে প্ৰকৃতিপ্ৰেমীসকল । জাঙুৰ খাই উঠিছে ৰাজ্যৰ দল সংগঠন, ছাত্ৰ সমাজ আৰু বুদ্ধিজীৱি । বনাঞ্চলখন সংৰক্ষণৰ দাবীত দেওবাৰে সদৌ অসম ছাত্ৰ সন্থাৰ লখিমপুৰ জিলা সমিতিয়ে সাব্যস্ত কৰে প্ৰতিবাদ । হাতে হাতে প্লেকাৰ্ড লৈ দিহিং পাটকাইক সংৰক্ষণৰ দাবী উত্থাপন কৰে সংগঠনটোৰ সদস্যসকলে ।

অসম আৰু অসমীয়াৰ স্বাভিমান দিহিং পাটকাইক ধ্বংসৰ গৰাহলৈ পৰ্যবসিত কৰিব বিচৰা বাবে কেন্দ্ৰীয় তথা ৰাজ্য চৰকাৰক তীব্ৰ সমালোচনা কৰে সংগঠনটোৰ সদস্যসকলে ।