লখিমপুৰ, 1 অক্টোবৰ:লখিমপুৰ বন সংমণ্ডলৰ পথালিপাম বন বিষয়াৰ কাৰ্যালয়ৰ অধীনৰ দুলুং বন শিবিৰৰ বনকৰ্মীয়ে মঙলবাৰে নিশা প্ৰায় 1 বজাত ৰাজগড় কুঁহিয়াবাৰীত প্ৰায় 40 চেপ্তি চোৰাং কাঠসহ AS-07 AC-9777 নম্বৰৰ এখন টাটা জেনন পিক আপ ভান জব্দ কৰে ৷ বিভাগীয় কৰ্তৃপক্ষই উল্লেখ কৰা অনুসৰি কাঠখিৰ নাছিল কোনো বৈধ নথিপত্ৰ ৷
অভিযানকাৰী দলটোৱে জব্দকৃত কাঠখিনিৰ লগতে আটক কৰে গাড়ীখনৰ স্বত্বাধিকাৰী চাউলধোৱা কাতৰি চাপৰিৰ কৃষ্ণ কলিতা আৰু নিতু বৰা নামৰ আন এজন লোকক ৷ আনহাতে পথালি পাম বন বিষয়া কাৰ্যালয়ৰ অন্তৰ্গত কুঁহিয়াবাৰী পথতো লখিমপুৰ আঞ্চলিক বন বিষয়াই আন এখন কাঠভৰ্তি 12 চকীয়া ট্ৰাক জব্দ কৰে ৷ AS- 01 DD-1957 নম্বৰৰ ট্ৰাক খনৰ পৰা অভিযানকাৰী দলটোৱে প্ৰায় 300 চেপ্তি কাঠ জব্দ কৰে ৷
লগতে পঢ়ক:বিজয়নগৰত চোৰাং চাউলভৰ্তি ট্ৰাক জব্দ