ডিচেম্বৰৰ ভিতৰত কংগ্ৰেছ শূন্য হ'ব উজনি অসমঃ হেমন্ত নেওগ

ডিচেম্বৰ মাহৰ ভিতৰত কংগ্ৰেছ শূন্য হ'ব উজনি অসম । কংগ্ৰেছৰ বহু কেইগৰাকী নেতা-কৰ্মীয়ে যোগদান কৰিব ভাৰতীয় জনতা পাৰ্টীত । এক সংবাদমেলত এই দাবী কৰে কেইদিনমানৰ পূৰ্বে কংগ্ৰেছ ত্যাগ কৰি বিজেপি দলত যোগদান কৰা ৰাজ্যিক কংগ্ৰেছৰ সম্পাদক হেমন্ত নেওগে ।

বিহপুৰীয়া, 31 অক্টোবৰ : ডিচেম্বৰ মাহৰ ভিতৰত কংগ্ৰেছ শূন্য হ'ব উজনি অসম । কংগ্ৰেছৰ বিভিন্ন সভা-সমিতিৰ মঞ্চত বহা বহু কেইগৰাকী নেতাৰ লগতে সন্মুখৰ আসনত বহা ৭০ শতাংশ নেতা-কৰ্মীয়ে যোগদান কৰিব ভাৰতীয় জনতা পাৰ্টীত । শনিবাৰে নাৰায়ণপুৰস্থিত দেউৰী স্বায়ত্ত শাসিত পৰিষদৰ অতিথিশালাত আয়োজন কৰা এক সংবাদমেলত এই দাবী কৰে কেইদিনমানৰ পূৰ্বে কংগ্ৰেছ ত্যাগ কৰি বিজেপি দলত যোগদান কৰা ৰাজ্যিক কংগ্ৰেছৰ সম্পাদক হেমন্ত নেওগে ।

নিজকে বিজেপি দলৰ নাৰ্চাৰী ষ্টুডেন্ট হিচাপে অভিহিত কৰি ২৮ বছৰে কংগ্ৰেছ দলত সক্ৰিয় ভাৱে জড়িত থাকি অৱশেষত দল ত্যাগ কৰিবলৈ বাধ্য হোৱা নেতা গৰাকীয়ে এই মন্তব্য কৰে । বিজেপি দলত যোগদান কৰাৰ পিছত পোনপ্ৰথম বাৰৰ বাবে গৃহ সমষ্টি বিহপুৰীয়ালৈ অহা নেতা গৰাকীয়ে সংবাদ মাধ্যমৰ আগত কংগ্ৰেছৰ বিৰুদ্ধে বহু গুৰুত্বপূৰ্ণ অভিযোগ উত্থাপন কৰে ।

লগতে পঢ়ক: ৰাষ্ট্ৰীয় একতা দিৱস উপলক্ষে মহানগৰীত 'একতাৰ দৌৰ'