লখিমপুৰ,6 ডিচেম্বৰঃ লখিমপুৰ জিলাৰ নাৰায়ণপুৰৰ অসম-অৰুণাচল সীমান্তৱৰ্তী দোৰপাঙত পিছলা আঞ্চলিক বিকলাংগ অনুষ্ঠানৰ উদ্যোগত আৰু গুৱাহাটীৰ ভগৱান মহাবীৰ বিকলাংগ সহায়তা সমিতিৰ সহযোগত বিকলাংগ সকলৰ কৃত্ৰিম ভৰি আৰু কেলিপাৰ সংস্থাপন শিৱিৰৰ আয়োজন কৰা হয় ৷ উল্লেখযোগ্য যে, শুকুৰবাৰৰ পৰা দুদিনীয়া কাৰ্যসূচীৰে অনুষ্ঠিত হোৱা এক জোখ-মাখৰ শিৱিৰৰ দেওবাৰে সামৰণি পৰে ।
ইপিনে দুদিনীয়াকৈ অনুষ্ঠিত হোৱা এই শিৱিৰত জিলাখনৰ বিভিন্ন প্ৰান্তৰ পৰা অহা ২৫ গৰাকী দিব্যাংগ লোকৰ কৃত্ৰিম ভৰিৰ লগতে কেলিপাৰ সংস্থাপনৰ বাবে জোখ-মাখ লোৱা হয় । জোখ-মাখৰ অন্তত পৰৱৰ্তী সময়ত এইসকল লোকক কৃত্ৰিম ভৰিৰ লগতে কেলিপাৰ সম্পূৰ্ণ বিনামূলীয়াকৈ সংস্থাপন কৰা হ'ব বুলি জানিবলৈ দিয়ে দ্ৰোপাং পিছলা আঞ্চলিক বিকলাংগ অনুষ্ঠানৰ সচিব ধন্টি দাসে । ইপিনে শিৱিৰত গুৱাহাটীস্থিত ভগৱান মহাবীৰ বিকলাংগ সহায়তা সমিতিৰ সচিব কংকন বৰ্মন আৰু সহযোগী সুশীল চুৰাণাই অংশগ্ৰহণ কৰে ।
লগতে পঢ়কঃ হাগ্ৰামাক জেললৈ পঠিয়ালে হিমন্তকো পঠাব লাগিব : আব্দুল খালেক