লখিমপুৰ, 27 ডিচেম্বৰ:লখিমপুৰৰ চিয়াজুলিত শনিবাৰে নিশা সংঘটিত এক বিধ্বংসী অগ্নিকাণ্ডত লক্ষাধিক টকাৰ সা-সম্পত্তি ভস্মীভূত হৈছে ৷ বগীনদী আৰক্ষী থানাৰ অন্তৰ্গত চিয়াজুলিত মাজনিশা সংঘটিত এই অগ্নিকাণ্ডৰ ফলত তিনিখনকৈ দোকান জুইত জাহ যায় ৷
মাজনিশা সংঘটিত অগ্নিকাণ্ডত ভস্মীভূত তিনিখনকৈ দোকান
ঘটনাৰ বিৱৰণী অনুসৰি শনিবাৰে নিশা 11 বজাত চিয়াজুলি লীলাবস্তিৰ চুৰামনি উপাধ্যায় নামৰ ব্যক্তি গৰাকীৰ চাইকেলৰ দোকানত প্ৰথমে জুইৰ সূত্ৰপাত ঘটি আৰু তাৰ পাছতে একেলগে থকা এখন ইলেকট্ৰনিকচৰ দোকান আৰু গেলামালৰ দোকানলৈ জুই বিয়পি পৰাত কাষৰ দোকান কেইখন সম্পূৰ্ণৰূপে ভস্মীভূত হয় ৷