লখিমপুৰত নকল টকা প্ৰস্তুত কৰা মেছিনসহ নকল সোণৰ নাও জব্দ

নাওবৈচাৰ মহঘুলিৰ পৰা নাওবৈচা আৰক্ষীয়ে অভিযান চলাই জব্দ কৰে নকল টকা প্ৰস্তুত কৰা মেছিনসহ এখন নকল সোণৰ নাও ৷ আৰক্ষীয়ে ঘটনা সংক্ৰান্তত এজন লোকক গ্ৰেপ্তাৰ কৰিছে আৰক্ষীয়ে ৷

নাওবৈচা,15 জানুৱাৰী: নকল সোণ আৰু নকল টকাৰ অবৈধ ব্যৱসায়েৰে একাংশ দুষ্ট লোকে দীৰ্ঘ দিনৰ পৰা লখিমপুৰ জিলাৰ সামাজিক তথা সুনামক কলংকিত কৰি থকাৰ মাজতে নাওবৈচা আৰক্ষীৰ সফলতা ৷ ভোগালী বিহুৰ আনন্দ উল্লাসৰ মাজতে নাওবৈচাৰ মহঘুলিৰ পৰা নাওবৈচা আৰক্ষীয়ে অভিযান চলাই জব্দ কৰে নকল টকা প্ৰস্তুত কৰা মেছিনসহ ডেৰ কেজি ওজনৰ এখন নকল সোণৰ নাও ৷ আৰক্ষীয়ে ঘটনা সংক্ৰান্তত তৈবুৰ ৰহমান (29)নামৰ এজন লোককো গ্ৰেপ্তাৰ কৰিছে ৷

উল্লেখ্য যে,ধৃত তৈবুৰ ৰহমানৰ বাসগৃহৰ পৰা নকল টকা চপা কৰা মেচিন সহ ডেৰ কেজি ওজনৰ নকল সোণৰ নাও উদ্ধাৰ কৰিবলৈ সক্ষম হয় আৰক্ষী ৷ নাওবৈচা আৰক্ষী চকীৰ ভাৰপ্ৰাপ্ত আৰক্ষী বিষয়া প্ৰসন্ন চহৰীয়া নেতৃত্বত যোৱা আৰক্ষীৰ এটা দলে অভিযান চলাই বৃহস্পতিবাৰে নিশা উদ্ধাৰ কৰে নকল সোণৰ নাওসহ টকা প্ৰস্তুত কৰা মেচিন ৷

লখিমপুৰৰ নাওবৈচাত নকল টকা প্ৰস্তুত কৰা মেছিনসহ নকল সোণৰ নাও জব্দ

লগতে পঢ়কঃশনিবাৰৰ পৰা অসমৰ ৬৫ স্থানত আৰম্ভ হ'ব ক'ভিড ভেকচিন প্ৰদান কাৰ্যসূচী