লখিমপুৰ, 29 মে’: শনিবাৰে লখিমপুৰত জলসম্পদ মন্ত্ৰী পীযুষ হাজৰিকাই সাংসদ প্ৰদান বৰুৱা আৰু বিধায়ক মানৱ ডেকাক লগত লৈ লখিমপুৰৰ ভীমপৰা মথাউৰি পৰিৰ্দশন কৰে ।
উল্লেখযোগ্য যে, জলসম্পদ মন্ত্ৰী পীযুষ হাজৰিকাৰই চাউলধোৱা সোৱণশিৰি নদীৰ দলঙৰ সমীপৰ পৰা যন্ত্ৰ চালিত নাঁৱেৰে সোৱণশিৰি নদীৰ বুকুৰে গৈ ভীমপৰা মথাউৰিৰ খহনীয়া আৰু মেৰামতি অংশ সমূহ পৰিদৰ্শন কৰে ।
লখিমপুৰত মথাউৰি পৰিদৰ্শন জলসম্পদ মন্ত্ৰী পীযুষ হাজৰিকাৰ
ইপিনে মন্ত্ৰী গৰাকীৰ এই পৰিদৰ্শন কালত নামনি সোৱণশিৰি জলবিদ্যুৎ প্ৰকল্পৰ আৰু জল সম্পদ বিভাগৰ বহুকেইজন উচ্চ পদস্থ বিষয়াই সংগ দিয়ে । আনহাতে, মন্ত্ৰী গৰাকীয়ে মথাউৰি পৰিৰ্দশন কৰি নিৰ্মাণ কাৰ্যত জড়িত ঠিকাদাৰ আৰু চৰকাৰী কৰ্মচাৰী সকলক উন্নত মানৰ কাম কৰিবিলৈ নিৰ্দেশ দিয়ে ।