লখিমপুৰ মেডিকেল কলেজৰ নিযুক্তি কেলেংকাৰীক লৈ এজাহাৰ দুৰ্নীতি বিৰোধী যুৱশক্তিৰ

লখিমপুৰ চিকিৎসা মহাবিদ্যালয়ৰ নিযুক্তিত দুৰ্নীতি সংঘটিত হোৱাৰ অভিযোগত দাখিল কৰা হ’ল এজাহাৰ ৷ লখিমপুৰ সদৰ থানাত গোচৰ দাখিল কৰিলে দুৰ্নীতি বিৰোধী যুৱশক্তি, অসমে(Durniti Birudhi Yuba Sakti Asom) ।

লখিমপুৰ, ১৬ ছেপ্টেম্বৰ: লখিমপুৰ চিকিৎসা মহাবিদ্যালয়ৰ নিযুক্তি কেলেংকাৰীৰ অভিযোগে সৰ্বত্ৰে সৃষ্টি কৰিছে তীব্ৰ প্ৰতিক্ৰিয়া । বিভিন্ন সংগঠনে ইয়াৰ বিৰুদ্ধে প্ৰতিবাদ সাব্যস্ত কৰি তদন্তৰ দাবী জনোৱাৰ সময়তে শুকুৰবাৰে লখিমপুৰ সদৰ থানাত গোচৰ দাখিল কৰিছে দুৰ্নীতি বিৰোধী যুৱ শক্তি, অসমে(Durniti Birudhi Yuba Sakti Asom) ।

লখিমপুৰ চিকিৎসা মহাবিদ্যালয়ৰ নিযুক্তি কাণ্ডই জুই জ্বলাইছে জিলাখনত (Scam allegation against Lakhimpur medical college)। চৌদিশে প্ৰতিবাদৰ জুই দেখিবলৈ পোৱা গৈছে । এনে সময়তে এই নিযুক্তি প্ৰক্ৰিয়াৰ কেলেংকাৰীত জড়িতসকলৰ বিৰুদ্ধে আইনৰ দ্বাৰস্থ হৈছে এটা সংগঠন । লখিমপুৰ চিকিৎসা মহাবিদ্যালয়ৰ নিযুক্তিত অনিয়মৰ অভিযোগ তুলি শুকুৰবাৰে লখিমপুৰ সদৰ থানাত গোচৰ দাখিল কৰিলে দুৰ্নীতি বিৰোধী যুৱশক্তি, অসমে ৷ সংগঠনটোৰ সভাপতি ধৰ্মকান্ত গগৈয়ে শুকুৰবাৰে বিয়লি দাখিল কৰে এই এজাহাৰ ।

লখিমপুৰৰ বিধায়ক মানৱ ডেকাৰ(Lakhimpur MLA Manab Deka) ৰান্ধনীৰ পৰা অঙহী-বঙহীয়ে চিকিৎসা মহাবিদ্যালয়খনৰ বিভিন্ন বিভাগৰ লিখিত পৰীক্ষাত উত্তীৰ্ণ হোৱাৰ অভিযোগ উত্থাপন কৰা হৈছে (Lakhimpur Medical College scam)। সমগ্ৰ বিষয়টোত মুখ্যমন্ত্ৰীৰ হস্তক্ষেপৰ দাবী জনায় দুৰ্নীতি বিৰোধী যুৱশক্তি অসমৰ সভাপতি ধৰ্মকান্ত গগৈয়ে ।

উল্লেখ্য যে, লখিমপুৰ চিকিৎসা মহাবিদ্যালয়ৰ নিযুক্তিৰ ক্ষেত্ৰত উত্থাপিত কেলেংকাৰীৰ অভিযোগৰ সন্দৰ্ভত উচ্চ ন্যায়ালয়ৰ দ্বাৰস্থ হ’ব বুলিও জনালে সংগঠনটোৰ নেতৃত্বই ৷ নিযুক্তি প্ৰক্ৰিয়াত বঞ্চনাৰ বলি হোৱা প্ৰাৰ্থীসকলকো ওলাই আহিবলৈ আহ্বান জনায় দুৰ্নীতি বিৰোধী যুৱশক্তি অসমৰ সভাপতি ধৰ্মকান্ত গগৈয়ে ।

লগতে পঢ়ক:জামিন পায়ো মুকলি আকাশৰ তললৈ নাহিল ভিক্টৰ দাস