Anti Drugs Mission: বিহপুৰীয়াত ড্ৰাগছসহ সৰবৰাহকাৰী আটক

বিহপুৰীয়া আৰক্ষীয়ে অব্যাহত ৰাখিছে অবৈধ নিচাজাতীয় সামগ্ৰীৰ বিৰুদ্ধে অভিযান (Anti drugs mission at Bipuria) ৷ বৃহস্পতিবাৰেও বিহপুৰীয়া আৰক্ষীয়ে চলোৱা অভিযানত ড্ৰাগছসহ তিনি সৰবৰাহকাৰীক আটক কৰিবলৈ সক্ষম হয় ৷

বিহপুৰীয়া, 18 মাৰ্চ:লখিমপুৰৰ বিহপুৰীয়া আৰক্ষীয়ে অব্যাহত ৰাখিছে ড্ৰাগছ বিৰোধী অভিযান (Anti drugs mission at Bihpuria)৷ বৃহস্পতিবাৰে নিশা অভিযান চলাই বিহপুৰীয়া আৰক্ষীয়ে ড্ৰাগছসহ আটক কৰে তিনি সৰবৰাহকাৰীক। বিহপুৰীয়া থানাৰ ভাৰপ্ৰাপ্ত আৰক্ষী বিষয়া উৎপল বৰাৰ নেতৃত্বত চলা অভিযানত আটক কৰা হয় ড্ৰাগছ সৰবৰাহকাৰীকেইটাক ৷

আটকাধীন ড্ৰাগছ সৰবৰাহকাৰীকেইটা ক্ৰমে মানৱজ্যোতি গগৈ, পেহচান আলম আহমেদ আৰু নজৰুল হুছেইন (Drugs peddler arrested at Bihpuria)৷ ইয়াৰে নজৰুল হুছেইন নামৰ ড্ৰাগছ সৰবৰাহকাৰীটোৰ ঘৰত অভিযান চলাই ২৭ টা ড্ৰাগছ ভৰ্তি কন্টেইনাৰ জব্দ কৰে আৰক্ষীয়ে ৷ আটকাধীন তিনিওৰে ঘৰ বিহপুৰীয়াত বুলি জানিব পৰা গৈছে ৷

উল্লেখ্য যে, সমগ্ৰ ৰাজ্যকে ড্ৰাগছমুক্ত কৰাৰ বাবে আৰক্ষীয়ে অভিযান অব্যাহত ৰাখিছে ৷ সমান্তৰালকৈ বিহপুৰীয়া আৰক্ষীয়েও অব্যাহত ৰাখিছে অভিযান ৷ বৃহস্পতিবাৰে চলোৱা অভিযানৰ পূৰ্বেও বিহপুৰীয়াত আৰক্ষীয়ে অভিযান চলাই সৰবৰাহকাৰীৰ লগতে ড্ৰাগছৰ ওপৰিও আন বহু অবৈধ নিচাজাতীয় সামগ্ৰী জব্দ কৰিবলৈ সক্ষম হৈছিল ৷

লগতে পঢ়ক:অধিক তীব্ৰতৰ হৈছে পৰিবহন বিভাগৰ অল আউট অভিযান