নাওবৈচা, 5 জুন:লখিমপুৰ জিলাৰ নাওবৈচাস্থিত বৰগলা চিকিৎসালয়ত চিকিৎসকৰ উপস্থিতিত ব্যাপক অনিয়মৰ অভিযোগ ৰাইজৰ ৷ অভিযোগ অনুসৰি ১০ খন বিচনাযুক্ত চিকিৎসালয় খনত প্ৰায়ে উপস্থিত নাথাকে চিকিৎসক ৷ চিকিৎসকৰ অনুপস্থিতিত কেৱল এগৰাকী নাৰ্চে পৰিচালনা কৰিছে নাওবৈচাৰ ১০ খন বিচনাযুক্ত বৰগলা প্ৰাথমিক গ্ৰাম্য চিকিৎসালয়খন । চিকিৎসালয়খনত কাগজে কলমে তিনিজন চিকিৎসক উপস্থিত থাকে যদিও সপ্তাহৰ তিনিটা দিনত মাত্ৰ এজন চিকিৎসক উপস্থিত থাকে ৷ তাকো সপ্তাহৰ নিৰ্দিষ্ট বাৰত একমাত্ৰ চিকিৎসক জনো উপস্থিত নথকাৰ অভিযোগ ৰাইজৰ ৷ যাৰ বাবে বহু সময়ত হাহাকাৰ অৱস্থাৰ সৃষ্টি হয় ৰোগীৰ মাজত ৷
নাওবৈচাৰ বৰগলা প্ৰাথমিক স্বাস্থ্য কেন্দ্ৰত চিকিৎসকৰ অনুপস্থিতিৰ অভিযোগ