মাতমৰাৰ কৱচুক পথাৰত ব্যস্ত চহা ৰাইজ

প্ৰলয়ংকাৰী বানে সমগ্ৰ ৰাজ্যক চুই যোৱাৰ পাছতো মাতমৰাৰ পথাৰত চহা ৰাইজ পৰম্পৰাগতভাৱে হৈ পৰিছে ব্যস্ত

ঢকুৱাখানা, 27 জুলাইঃ অসমৰ বিভিন্ন প্ৰান্তত কৃষিজীৱি ৰাইজৰ মাজত এতিয়া ভূঁই ৰোৱাৰ ব্যস্ততা ৷ কিয়নো এতিয়া শাওণ মাহ ৷ ঢকুৱাখনা মাতমৰা পঞ্চায়তৰ কৱচুক পথাৰতো হালোৱা আৰু ৰোৱনীসকলক ব্যস্ত হৈ পৰা দেখা গৈছে ৷ অসমীয়া চহা জীৱনৰ পৰম্পৰা মানি পথাৰৰ ব্যস্ততাৰ মাজতো পকা কঁঠালৰ জুতি ল'লে মাতমৰাৰ কৃষকে ৷ কিয়নো কঁঠিয়া ৰোৱাৰ সময়ত বহুগুটিয়া মিঠা ফল খালে শস্য ভাল থাকে বুলি অসমীয়া সমাজত এক বিশ্বাস আছে ৷ উল্লেখযোগ্য যে, প্ৰলয়ংকাৰী বানে সমগ্ৰ ৰাজ্যক চুই যোৱাৰ পাছতো মাতমৰাৰ পথাৰত চহা ৰাইজৰ এনে ব্যস্ততাই ধৰি ৰাখিছে অসমীয়া গ্ৰাম্য সমাজৰ ঐতিহ্য - পৰম্পৰা ৷