ঢকুৱাখনাত পৰম্পৰাগত খেল ধেমালী

পহিলা বহাগৰ দিনা ঢকুৱাখনাৰ হিলৈদাৰী গাঁৱত অনুষ্ঠিত হয় পৰম্পৰাগত খেল ধেমালীৰ । ডেকাৰ পৰা বুঢ়ালৈ, জীয়াৰীৰ পৰা বোৱাৰীলৈ সকলো ওলাই আহিল এই খেল ধেমালীলৈ

ঢকুৱাখনা,15 এপ্ৰিলঃ আজি পহিলা বহাগৰ দিনটোত ৰাজ্যবাসী ৰঙালীৰ উচাহত মতলীয়া হোৱাৰ সময়তে ঢকুৱাখনা হিলৈদাৰী গাঁৱত দেখা গ'ল এক ব্যতিক্ৰমী দৃশ্য । হিলৈদাৰী গাঁৱৰ লোকসকলে পুৱাৰ কাম কাজ সামৰি ওলাই আহিল মুকলি পথাৰলৈ। বহাগৰ প্ৰথম দিনটোত অতীজৰে পৰা গাঁওখনৰ লোকসকলে পৰম্পৰাগত খেল ধেমালীৰে আনন্দ উলাহ কৰে । আজিও প্ৰতিটো খেলৰ শেষত নগদ ধন আৰু অন্যান্য পুৰস্কাৰেৰে প্ৰতিযোগী সকলক পুৰস্কৃত কৰা হয় ৷ বহাগৰ পহিলা দিনটোত এইদৰে ঢকুৱাখনাৰ হিলৈদাৰী গাঁৱৰ ৰাইজ আহি পৰম্পৰাগত খেল ধেমালীৰ মাজেৰে ৰঙালীৰ ৰঙত বুৰ যায় ।