নাওবৈচা, ২০ফেব্ৰুৱাৰী: শুকুৰবাৰে নিশা লখিমপুৰ জিলাৰ নাওবৈচাৰ লোকামপুৰ গাঁৱত সংঘটিত হয় বিধ্বংসী অগ্নিকাণ্ড । অগ্নিকাণ্ডৰ ফলত জাহ যায় এটা পৰিয়ালৰ বাসগৃহ । নিশা শুই থকা অৱস্থাত প্ৰায় ২ বজাত লোকামপুৰ গাঁৱৰ পানীৰাম ছেউৰা নামৰ লোকজনৰ বাসগৃহত সংঘটিত হয় এই ভয়ংকৰ অগ্নিকাণ্ড ।
জুইৰ লেলিহান শিখাই মূহুৰ্ততে পানীৰাম ছেউৰাৰ বাসগৃহটো আগুৰি ধৰে আৰু সেই জুইৰ শিখাত বাসগৃহৰ মুৰব্বী পানীৰাম ছেউৰা(৫০) নামৰ ব্যক্তিজন অগ্নিদগ্ধ হৈ মৃত্যুমুখত পৰে । অগ্নিকাণ্ডটো সংঘটিত হোৱাৰ পাচতে স্থানীয় ৰাইজ উপস্থিত হৈ জুই নুমুৱাবলৈ চেষ্টা কৰে যদিও, জুইৰ লেলিহান শিখাই ইতিমধ্যে পানিৰাম ছেউৰা বাসগৃহটো আগুৰি ধৰি সকলোবোৰ সামগ্ৰী ভস্মীভূত কৰে ।