লখিমপুৰ, ১ ডিচেম্বৰ :অসম জাতীয়তাবাদী যুৱ পৰিষদে প্ৰতি বছৰে উদযাপন কৰি আহিছে অসম দিৱস (Asom Divas 2022) । এই দিৱস উপলক্ষে অন্যান্য কাৰ্যসূচীৰ লগতে ৰাজ্যখনৰ একোজন বিশিষ্ট ব্যক্তিক প্ৰদান কৰা হয় অসম সমন্বয় বঁটা ।
পৰিষদৰ লখিমপুৰ জিলা সমিতিয়ে এইবাৰ লখিমপুৰ জিলা সাহিত্য সভাৰ সহযোগত আয়োজন কৰা অসম দিৱসৰ কাৰ্যসূচীত বৰ অসম সমন্বয় বঁটা প্ৰদান কৰিব আউনীআটী সত্ৰৰ সত্ৰাধিকাৰ ড৹ পীতাম্বৰ দেৱ গোস্বামীক (Bor Axom Samannya Award 2022 award to Dr Pitambar Deva Goswami) ।
এই বঁটাত আছে নগদ ২৫ হেজাৰ টকা, স্মাৰক, অংগবস্ত্ৰ, চেলেং, প্ৰশস্তি পত্ৰ, হেংদাং, সঁফুৰা,গামোচা আদি । বৃহস্পতিবাৰে এক সংবাদমেল যোগে এই কথা ঘোষণা কৰে পৰিষদৰ লখিমপুৰ জিলা সমিতিয়ে । অসম দিৱসৰ দিনাই আউনীআটী সত্ৰৰ সত্ৰাধিকাৰ ড৹ পীতাম্বৰ দেৱ গোস্বামীক গুৱাহাটীৰ অশ্বক্লান্তত এই বঁটা প্ৰদান কৰা হ’ব ।