লখিমপুৰত আছুৰ ৰক্ত সংকল্প

কেবৰ বিৰুদ্ধে ৰাজ্যত অব্যাহত আছে প্ৰতিবাদ ৷ লোকসভাত কেব গৃহীত হোৱাৰ পাছতে প্ৰতিবাদত স্তব্ধ হৈ পৰিছে ৰাজ্যৰ জন জীৱন ৷ লখিমপুৰত তেজেৰে শ্ল'গান লিখি কেবৰ বিৰুদ্ধে সংকল্প গ্ৰহণ কৰিলে সদৌ অসম ছাত্ৰ সন্থাই ৷

লখিমপুৰ,10 ডিচেম্বৰঃৰাজ্যত ক্ৰমাৎ তীব্ৰ ৰূপ ধাৰণ কৰিছে কেব বিৰোধী আন্দোলনে ৷ 9 ডিচেম্বৰৰ মাজনিশা লোকসভাত বিধেয়কখন গৃহীত হোৱাৰ পাছত 10 ডিচেম্বৰৰ পুৱাৰে পৰা প্ৰতিবাদত স্তব্ধ হৈছে ৰাজ্য,অচল হৈ পৰিছে জন-জীৱন ৷

শ্বহীদ দিৱসৰ দিনা অসম বন্ধৰ লগতে ৰাজ্যৰ ঠায়ে ঠায়ে প্ৰতিবাদ অব্যাহত ৰাখিছে সদৌ অসম ছাত্ৰ সন্থাই ৷ লখিমপুৰ জিলাত ৰক্ত সংকল্প লৈ কেব গৃহীত হ'বলৈ নিদিয়াৰ হুংকাৰ দিয়ে সদৌ অসম ছাত্ৰ সন্থাই ৷ শ্বহীদ বেদীত চাকি জ্বলাই নিজৰ তেজেৰে জয় আই অসম,কেব আমি নামানো আদি শ্লগান লিখি চৰকাৰক শেষ সকীয়নি দিলে ছাত্ৰ সন্থাৰ সদস্যই ৷

লগতে পঢ়কঃ প্ৰতিবাদৰ জুই : সমগ্ৰ ৰাজ্যত নেছ'ৰ বন্ধৰ প্ৰভাৱ