ব্যতিক্ৰমী ৰূপত অসম আৰক্ষী

বান বিধ্বস্ত লখিমপুৰত হাতে-হাতে দা-কোৰ লৈ ওলাই আহিল আৰক্ষীৰ লোক ৷ বানাক্ৰান্তৰ কাষত ঠিয় হৈ চাফা কৰিলে বিদ্যালয় চৌহদ ৷

বিহপুৰীয়া, 28 জুলাইঃ বানবিধ্বস্ত ৰাইজৰ কাষত ত্ৰাণকৰ্তাৰ ৰূপত অসম আৰক্ষী ৷ লখিমপুৰ জিলাৰ বানাক্ৰান্তৰ মাজত দেওবাৰে উপস্থিত জিলা আৰক্ষীৰ এটা দল ৷ উৰ্ধতন কৰ্তৃপক্ষৰ নিৰ্দেশৰ ভিত্তিতে আৰক্ষীয়ে দলটোৱে গৰম বন্ধ শেষ হোৱাৰ পূৰ্বেই দুখনকৈ বিদ্যালয়ত পুনৰ নিৰ্মাণৰ লগতে চাফাই কাৰ্যসূচী ৰূপায়ন কৰে ৷ ধূনাগুৰিৰ খনিকৰ প্ৰাথমিক বিদ্যালয় আৰু মিছিং মধ্য ইংৰাজী বিদ্যালয়ত আৰক্ষীয়ে দলটোৱে এইদৰে চাফাই কাৰ্যসূচী ৰূপায়ন কৰে ৷ আৰক্ষীৰ এই প্ৰচেষ্টাক অঞ্চলবাসী ৰাইজে যথেষ্ট শলাগ লোৱা পৰিলক্ষিত হয় ৷