বিহপুৰীয়া, 24 মে’ : বিহপুৰীয়াৰ পোৰাবিলত কান্দোনৰ ৰোল ৷ বহিঃৰাজ্যত ৰহস্যজনকভাৱে মৃত্যু হ’ল লখিমপুৰ জিলাৰ বিহপুৰীয়াৰ এগৰাকী যুৱতীৰ (Death Of Assam Teen Girl In Bengaluru) ৷ যুৱতীগৰাকীৰ নাম মৌচুমী শইকীয়া (25) বুলি জানিব পৰা গৈছে ৷ তথ্য অনুসৰি, বিগত প্ৰায় কেইবাবছৰ ধৰি কৰ্মসূত্ৰে বিহপুৰীয়াৰ পোৰাবিলৰ মৌচুমী বেংগালুৰুত আছিল ৷
বেংগালুৰুত অতি ৰহস্যজনকভাৱে মৃত্যু বিহপুৰীয়াৰ মৌচুমীৰ মৌচুমীৰ পিতৃ ৰঞ্জিত শইকীয়াই সদৰি কৰা অনুসৰি, সোমবাৰে পুৱা প্ৰায় 10 বজাত বেংগালুৰু আৰক্ষীয়ে মৌচুমী শইকীয়াৰ পিতৃক ফোন কৰি মৌচুমীয়ে আত্মহত্যা কৰা বুলি জনায় । হঠাৎ জীয়ৰীৰ মৃত্যুৰ বাতৰি পাই শোকস্তব্ধ হৈ পৰে সমগ্ৰ পৰিয়ালটো (Assam Teen Girl dies mysteriously in Bengaluru) ৷ ইফালে মৌচুমীৰ মাতৃৰ দাবী, এয়া কোনো আত্মহত্যা নহয় ৷ মৌচুমীক হত্যা কৰিছে কোনো লোকে ৷
লগতে পঢ়ক :মাকৰ ঘৰলৈ যাব নোপোৱাৰ বাবে আত্মহত্যা মহিলাৰ !
কিয়নো মৃত্যুৰ এদিন পূৰ্বে অৰ্থাৎ দেওবাৰে নিশা মৌচুমীৰ সৈতে মাতৃৰ ফোনত কথা-বতৰাও হৈছিল ৷ অইন দিনাৰ দৰে দেওবাৰে নিশাও মৌচুমীয়ে ঘৰুৱা কথা পাতিছিল মাতৃৰ সৈতে ৷ আনকি মৌচুমীয়ে বেংগালুৰুৰ এটা ব্যক্তিগত কোম্পানীত চাকৰি কৰিয়েই ঘৰৰ সমস্ত দায়িত্ব বহন কৰিছিল ৷ তেনেস্থলত সদায় হাঁহিমুখে থকা মৌচুমীয়ে আত্মহত্যাৰ দৰে পথ বাচি ল’ব নোৱাৰে বুলি দাবী কৰে মাতৃয়ে (Allegation of Killing Mouchumi) ৷
বহিঃৰাজ্যত মৃত্যু অসমীয়া যুৱতীৰ আনহাতে, জ্যেষ্ঠ জীয়ৰীৰ মৃত্যুৰ বাতৰি পাই দিগ-বিদিগ হেৰুৱাইছে পিতৃ ৰঞ্জিত শইকীয়াই ৷ দৰিদ্ৰ পৰিয়ালটোৱে মৌচুমীৰ মৃতদেহ ঘৰলৈ অনাৰ ক্ষেত্ৰতো যথেষ্ট সমস্যাৰ সন্মুখীন হৈছে । উপায়ন্তৰ হৈ বিহপুৰীয়াৰ বিধায়ক ড৹ অমিয় কুমাৰ ভূঞা তথা জিলা প্ৰশাসনক বেংগালুৰুৰ পৰা মৌচুমীৰ মৃতদেহটো আনি দিবলৈ কাতৰ আহ্বান জনাইছে মৃত যুৱতীগৰাকীৰ পিতৃ-মাতৃয়ে ৷
লগতে পঢ়ক :চাৰি মাহ পূৰ্বে হৈছিল বিয়া; স্বামী গৃহতে চিপ ল’লে মহিলাই
