লখিমপুৰ, 5 ছেপ্তেম্বৰ: ৰাজ্যৰ ৰাজনৈতিক প্ৰেক্ষাপটৰ বাবে ডাঙৰ খবৰ ৷ ৰাজ্যত পুনৰ গঠন হ’বলৈ গৈ আছে আন এটা নতুন ৰাজনৈতিক দল । ইতিমধ্যে গ্ৰহণ কৰা হৈছে প্ৰস্তুতি ৷ কেৱল আহোম সকলক লৈ গঠন হ’ব এই নতুন আঞ্চলিক ৰাজনৈতিক দলটো । শাসনাধিষ্ঠিত বিজেপি দলক আগন্তুক 2021 নিৰ্বাচনত উৎখাত কৰাৰ স্বাৰ্থত ৰাজ্যত বিকল্প নতুন ৰাজনৈতিক দল গঠনৰ জোৱাৰ উঠাৰ সময়তে কেৱল আহোম সকলক লৈ গঠন হ’ব এক সুকীয়া ৰাজনৈতিক দল ।
অহা 2 ডিচেম্বৰত চৰাইদেউত অনুষ্ঠিত হ’বলগীয়া আহোম সকলৰ বিশাল গণ অভিৱৰ্তনত আত্মপ্ৰকাশ কৰিব এই নতুন দলটোৱে । উত্তৰ লখিমপুৰ প্ৰেছ ক্লাৱত এক সংবাদমেলত এই কথা ঘোষণা কৰে টাই আহোম যুৱ পৰিষদ চমুকৈ টাইপাই ।
ৰাজ্যত নতুন ৰাজনৈতিক দল গঠনৰ কুচকাৱাজ
এই নতুন দলৰ জৰিয়তে ৰাজনৈতিক ভাৱে আহোম সকলৰ অধিকাৰ আঁজুৰি অনাৰ প্ৰয়াস কৰা হ’ব । মৰাণ, মটক আৰু কোচ ৰাজবংশীৰ স্বায়ত্ত শাসন পৰিষদ গঠন কৰাক লৈও সমালোচনা টাইপাৰ ।