নাগৰিকত্ব সংশোধনী আইনৰ বিৰুদ্ধে নাৰায়ণপুৰত বাইক ৰেলী

নাগৰিকত্ব সংশোধনী আইনৰ বিৰুদ্ধে নাৰায়ণপুৰ আছুৰ বাইক ৰেলী ৷ বিভিন্ন প্ৰতিবাদেৰে পৰিৱেশ উত্তাল কৰি তোলে আছুৰ সদস্যই ৷

বিহপুৰীয়া,20 মাৰ্চ:কেন্দ্ৰীয় চৰকাৰে অসমীয়াক জাপি দিয়া নাগৰিকত্ব সংশোধনী আইন 2019 ৰ বিৰুদ্ধে আজিও অসমীয়াৰ অস্তিত্ব ৰক্ষাৰ সংগ্ৰাম অব্যাহত আছে ৷ অসমীয়া ভাষা, কৃষ্টি, সংস্কৃতি বিপদাপন্ন কৰিব পৰা জাতিধ্বংসী আইন বাতিল কৰাৰ প্ৰতিবাদত আজি সদৌ অসম ছাত্ৰ সন্থাৰ আহ্বানমৰ্মে নাৰায়ণপুৰ আঞ্চলিক ছাত্ৰ সন্থাই নাৰায়ণপুৰ ব্যৱসায়িক কেন্দ্ৰস্থলৰ পৰা এক বাইক ৰেলী উলিয়ায় ৷

নাগৰিকত্ব সংশোধনী আইনৰ বিৰুদ্ধে নাৰায়ণপুৰ আছুৰ বাইক ৰেলী

ৰেলীত অংশগ্ৰহণকাৰীসকলে জয় আই অসম, 'কা' আমি নামানো, বিজেপি চৰকাৰ গ' বেক, আছু জিন্দাবাদ, নৰেন্দ্ৰ মোডী হায় হায় আদি বিভিন্ন শ্ল'গানেৰে সমগ্ৰ পৰিৱেশ উত্তাল কৰি তোলে ৷ চৰকাৰে যি জাতিধ্বংসী আইন অসমীয়া ৰাইজৰ ওপৰত জাপি দিব ওলাইছে, ইয়াক কোনোপধ্যেই মানি লোৱা নহ'ব বুলি আছুৰ কৰ্মীসকলে হুংকাৰ দিয়াৰ লগতে চৰকাৰে 'কা' বাতিল কৰিবই লাগিব বুলি দাবী জনায় ৷

লগতে পঢ়ক :অখিল গগৈৰ হৈ নিৰ্বাচনী প্ৰচাৰ ৰাষ্ট্ৰীয় কৃষক নেতা ৰমেশ শৰ্মাৰ