গোঁসাইগাঁও,5 অক্টোবৰ: বিগত দুদিন ধৰি বন্যহস্তীৰ তাণ্ডৱৰ ফলত কোকৰাঝাৰৰ গোঁসাইগাঁও মহকুমাৰ সাপকাটা আৰক্ষী চকীৰ অন্তৰ্গত হাউৰিয়াপেট গাঁৱত ৰাইজৰ মাজত তীব্ৰ আতংক ৷ তিনিটা প্ৰকাণ্ড হাতীয়ে বাঁহনিৰ মাজত সোমাই তাণ্ডৱ চলায় ।
গোঁসাইগাঁৱত বন্যহস্তীৰ তাণ্ডৱ
সোমবাৰে পুৱাৰ ভাগত হাতীৰ জাকটোৱে গাঁওখনত প্ৰৱেশ কৰা দেখি স্থানীয় ৰাইজে হাতী চাবলৈ ভিৰ কৰাত বন্যহস্তীৰ দলটোৱে ৰাইজলৈ খেদি আহে। ইয়াৰ পাচতে কচুগাঁও বন সংমণ্ডলৰ ৰেঞ্জাৰ তথা বিষয়া-কৰ্মীসকল ঘটনাস্থলীত উপস্থিত হয় যদিও হাতী খেদাবলৈ কোনো ব্যৱস্থা গ্ৰহণ নকৰা বুলি ৰাইজে অভিযোগ উত্থাপন কৰে ।