হাগ্ৰামাক প্ৰত্যাহ্বান উৰ্খাও গৌৰা ব্ৰহ্মৰ

হাগ্ৰামা মহিলাৰীৰ মন্তব্যক নস্যাৎ উৰ্খাও গৌৰা ব্ৰহ্মৰ ৷ বিপিএফ দলক ভংগ কৰক বুলি প্ৰত্যাহ্বান ৷ নৱ শৰণীয়াকো ব্যৰ্থ সাংসদ বুলি কটাক্ষ কৰে ব্ৰহ্মই

কোকৰাঝাৰ, 13 চেপ্তেম্বৰ : বিপিএফৰ সৈতে কোনো ধৰণৰ নিৰ্বাচনী বুজাবুজি হোৱা নাই ইউপিপিএলৰ ৷ হাগ্ৰামা মহিলাৰীৰ মন্তব্যক নস্যাৎ কৰি সংবাদমেলত এই মন্তব্য ইউ পি পি এলৰ সভাপতি উৰ্খাও গৌৰা ব্ৰহ্মৰ ৷ বিটিএডিত এটাই ৰাজনৈতিক দল থকাৰ পোষকতা কৰি ইউপিপিএল দলক বিপিএফত চামিল কৰাৰ আহ্বান দিছিল হাগ্ৰামা মহিলাৰীয়ে ৷ তেনেক্ষেত্ৰত ইউপিপিএল দলক বিপিএফ দলত চামিল কৰি ঐক্যবদ্ধতাৰ দিয়া আহ্বানক বিৰোধ কৰি উৰ্খাও গৌৰা ব্ৰক্ষই বিপিএফ দলৰ সভাপতি হাগ্ৰামা মহিলাৰীয়ে কোৱাৰ দৰে বিটিএডিত এটা দল বৰ্তাই ৰাখিবলৈ হ’লে প্ৰথমে বিপিএফ দলক ভংগ কৰক বুলি প্ৰত্যাহ্বান জনায় ৷ সংবাদমেলত উৰ্খাও গৌৰা ব্ৰক্ষই কোকৰাঝাৰ লোকসভাৰ সাংসদ নৱ কুমাৰ শৰণীয়াকো ক্ষুৰধাৰ সমালোচনা কৰে ৷ লগতে নৱ শৰণীয়াক ব্যৰ্থ সাংসদ বুলি কটাক্ষ কৰে ব্ৰহ্মই ৷