কোকৰাঝাৰ, 16 জুলাই : গোসাইগাঁও থানাৰ আৰক্ষীয়ে বৃহস্পতিবাৰে বিয়লি ভাগত জব্দ কৰে অবৈধ সুৰা কঢ়িয়াই নিয়া এখন ট্ৰাক ৷ ইউ পি-70-এটি-2170 নম্বৰৰ বাৰচকীয়া ট্ৰাকখন বংগ অভিমুখে ৰাওনা হৈছিল ৷ অসম-বংগ সীমান্তৰ শিমূলটাপুত পেট্ৰ'ল পাম্পৰ সমীপত আৰক্ষীয়ে এক গোপন তথ্যৰ ভিত্তিত অভিযান চলাই জব্দ কৰিবলৈ সক্ষম হয় ট্ৰাকখন ৷
গোসাঁইগাঁৱত অবৈধ অৰুণাচলী সুৰাসহ ট্ৰাক জব্দ
পাচত অবৈধ সুৰাসহ ট্ৰাকখন গোসাইগাঁও থানালৈ লৈ যায় আৰক্ষীৰ দলে ৷ গোসাঁইগাঁও থানাৰ ভাৰপ্ৰাপ্ত বিষয়া মণ্টুৰাম বৰাই জনোৱা মতে, ট্ৰাকখনত কমেও পাঁচ-ছয় লাখ টকা মূল্যৰ অবৈধ অৰুণাচলী সুৰা আছে ৷