কোকৰাঝাৰ, 20 মে': বিশ্বজুৰি কৰ'ণা ভাইৰাছৰ আতংকৰ প্ৰতি লক্ষ্য ৰাখি সমগ্ৰে দেশৰ লগতে অসমতো অব্যাহত আছে লক ডাউন ৷ কিন্তু লক ডাউনৰ বাবে এতিয়া নিজ গৃহলৈ যাব নোৱাৰি কোকৰাঝাৰৰ গোঁসাইগাঁওত তিনি মাহে পৰিয়ালসহ আৱদ্ধ হৈ আছে পঞ্জাৱৰ এহাল দম্পত্তি ৷
জানিব পৰা মতে,পঞ্জাৱৰ সংৰুৰ জিলাৰ বাদ্ৰুখানৰ বাসিন্দা তথা বিশেষভাৱে সক্ষম ৰামপাল চৌহানে তেওঁৰ বিশেষভাৱে সক্ষম সহধৰ্মিনী সুখিন্দৰ চৌহান আৰু দুই সন্তানসহ বিগত ফেব্ৰুৱাৰী মাহতে কোকৰাঝাৰৰ গোঁসাইগাঁওস্থিত পত্নীৰ ঘৰলৈ ফুৰিবলৈ আহিছিল ৷ পৰৱৰ্তী সময়ত পৰিয়ালটোৱে ঘৰলৈ উভতি যোৱাৰ প্ৰস্তুতি চলোৱাৰ সময়তে সমগ্ৰ দেশতে বলৱৎ হয় লক ডাউন কাৰ্যসূচী ৷ যাৰ বাবে পত্নীৰ গৃহতে আৱদ্ধ হৈ থাকিবলগীয়া হয় পৰিয়ালটো ৷
নিজ গৃহলৈ যাব নোৱাৰি কোকৰাঝাৰত তিনি মাহে আবদ্ধ পঞ্জাৱৰ দিব্যাংগ দম্পত্তি