একালত বড়োসকল অধিকাৰ বিচাৰি সশস্ত্ৰ সংগ্ৰাম কৰা সংগঠনটো আজিৰ পৰা অতীত হৈ পৰিল ৷ চিৰ দিনৰ বাবে পতাকা অৱনমিত কৰি অনুষ্ঠানিক ভাৱে ভংগ ঘোষণা কৰা হ'ল একালত নিজৰ অধিকাৰ বিচাৰি ৰাজ্য ৰক্তৰে ৰঞ্জিত কৰা NDFB নামৰ নামৰ বিদ্ৰোহী সংগঠনটোক ৷
NDFB ভংগঃ চিৰদিনৰ বাবে অৱনমিত পতাকাৰ তলত অৱেগিক সংগ্ৰামী সতীৰ্থ
নেচনেল দেমক্ৰেটিক ফ্ৰণ্ট অব বড়োলেণ্ড চমুকৈ এনডিএফবিৰ গোবিন্দ বসুমতাৰী গোটে মঙ্গলবাৰে আনুষ্ঠানিক ভাবে ভংগ কৰিলে দীৰ্ঘদিনে চলাই অহা সশস্ত্ৰ সংগ্ৰামখনক ৷
চিৰদিনৰ বাবে অৱনমিত পতাকাৰ তলত অৱেগিক সংগ্ৰামী সতীৰ্থ
কোকৰাঝাৰৰ ছেৰফাংগুৰিত থকা দেজিগনেটেড কেম্পত 2005 চনৰ পৰা যুদ্ধবিৰতীত থকা NDFBৰ সভাপতি গোবিন্দ বসুমতাৰীয়ে পতাকা চিৰদিনৰ বাবে অৱনমিত কৰি অনুষ্ঠানিকভাৱে ভংগ ঘোষণা কৰিলে সংগঠটোক ৷ এক আৱেগিক পৰিৱেশত নেতা গোবিন্দ বসুমতাৰীৰ ভৰিত সেৱা লৈ NDFBৰ মজিয়াৰ পৰা চিৰদিনৰ বাবে বিদায় ল'লে সতীৰ্থ বিদ্ৰোহী সদস্য সকলে ৷
চিৰদিনৰ বাবে অৱনমিত পতাকাৰ তলত অৱেগিক সংগ্ৰামী সতীৰ্থ
স্বাধীন বড়োলেণ্ডৰ দাৱীৰে 1986 চনৰ 3 অক্টোবৰত বড়ো চিকিউৰিটি ফৰ্চ চমুকৈ BSF নামৰে জন্মগ্ৰহণ কৰা সংগঠনটোৰ 1991 চনৰ 25 নৱেম্বৰৰ পৰা নতুন নাম হৈ পৰে NDFB ৷ বড়ো সকলৰ অধিকাৰৰ হকে দীৰ্ঘদিন ধৰি সংগ্ৰাম কৰি ৰাজ্য অশান্ত কৰি অহা সংগঠনটোৰ এই সংগ্ৰামৰ সফল পৰিসমাপ্ত ঘটা বুলি বিশ্বাস কৰি চিৰদিনৰ বাবে অস্ত্ৰ সম্বৰণ কৰিলে সংগঠনটোৰ কেডাৰসকলে ৷ আগন্তক দিনত দৌইমু নামকৰণেৰে এটা বেচৰকাৰী সংস্থাৰ জন্ম দি বড়োসকলৰ কল্যাণৰ হকে কাম কৰি যোৱাৰ সংকল্প হৈছে একালৰ বিদ্ৰোহী সংগঠটোৰ সদস্যসকলে ৷