কোকৰাঝাৰ, 25 মেঃ কোকৰাঝাৰত পুনৰ চিনাক্ত কোভিড-19ত আক্ৰান্ত 6জনকৈ ৰোগী । আক্ৰান্ত লোককেইজনক জিলাখনৰ কেন্দ্ৰীয় প্ৰযুক্তিবিদ্যা প্ৰতিষ্ঠান, ভাৰতীয় ক্ৰীড়া প্ৰাধিকৰণ, বিনেশ্বৰ ব্ৰহ্ম অভিযান্ত্ৰিক মহাবিদ্যালয়, কোকৰাঝাৰ কেন্দ্ৰীয় বিদ্যালয়স্থিত কোৱাৰেন্টাইন চেন্টাৰত ৰখা হৈছিল । ৰোগীকেইজন ক্ৰমে হাৰিয়ানা, গুৰগাঁও, দিল্লী আৰু উত্তৰ প্ৰদেশৰ পৰা আহি জিলাখনত উপস্থিত হৈছিল । ইয়াৰ পূৰ্বে জিলাখনত কৰ'ণাত আক্ৰান্ত 9 জনকৈ ৰোগী চিনাক্ত কৰা হৈছিল । ইয়াৰ উপৰিও জিলাখনত কোৱাৰেন্টাইন চেন্টাৰত মুঠ 3097 জনকৈ লোক ভৰ্তি হৈ থকাৰ উপৰি 4091 জনক মুকলি কৰি দিয়া হৈছে বুলি জানিবলৈ দিয়ে উপায়ুক্ত ভাস্কৰ ফুকনে ।
কোকৰাঝাৰত পুনৰ কোভিড-19ত আক্ৰান্ত 6জন