কোকৰাঝাৰ,২৩ ডিচেম্বৰ:কোকৰাঝাৰত অস্ত্ৰৰ ঝনঝননি । ৰাজহুৱা স্থানত উদ্ধাৰ গুলীভৰ্তি ৰিভলভাৰ(Revolver recovered in Kokrajhar) । কোকৰাঝাৰ চহৰৰ মাজমজিয়াৰ অভাৰ ব্ৰীজৰ নামনিত এটা ৰাজহুৱা প্ৰসাৱগাৰৰ সন্মুখত থকা খৰিৰ দমৰ মাজৰ পৰা বৃহস্পতিবাৰে নিশা উদ্ধাৰ কৰা হয় এটা গুলীভৰ্তি ৰিভলভাৰ(Revolver recovered with bullet in Kokrajhar) । এই ঘটনাক লৈ তীব্ৰ চাঞ্চল্য বিৰাজ কৰিছে সমগ্ৰ অঞ্চলটোত ।
প্ৰাপ্ত তথ্য অনুসৰি, বৃহস্পতিবাৰে নিশা এগৰাকী মহিলাই অভাৰব্ৰীজৰ গাতে লাগি থকা "পে এণ্ড ইউজ" টয়লেটৰ সন্মুখত থকা খৰি লবলৈ ধৰোতেই ৰিভলভাৰটো প্ৰত্যক্ষ কৰে । মহিলাগৰাকীয়ে লগে লগে কাষৰ লোকসকলক অৱগত কৰাত ততালিকে খবৰ দিয়া হয় আৰক্ষীক । ঘটনাৰ খবৰ পোৱা মাত্ৰকে ঘটনাস্থলীত জিলা অতিৰিক্ত আৰক্ষী অধীক্ষক নৱনীতা শৰ্মাসহ আৰক্ষীৰ এটা দল উপস্থিত হৈ ৰিভলভাৰটো উদ্ধাৰ কৰি কোকৰাঝাৰ সদৰ থানালৈ লৈ আনে(Arms recover in Kokrajhar) ৷