কোকৰাঝাৰ ২৬ জানুৱাৰী : সমগ্ৰ দেশজুৰি মঙলবাৰে ৭২ সংখ্যক গণৰাজ্য দিৱস উছাহ-উদ্দীপনাৰে উদযাপন কৰা হয় ৷ কোকৰাঝাৰ জিলা প্ৰশাসনৰ উদ্যোগত স্থানীয় চৰকাৰী উচ্চতৰ মাধ্যমিক আৰু বহুমুখী বিদ্যালয় খেলপথাৰত আয়োজন কৰা হয় গণৰাজ্য দিৱসৰ । কাৰ্যসূচীত পতাকা উত্তোলন কৰে বিটিআৰৰ মুখ্য কাৰ্যবাহী সদস্য প্ৰমোদ বড়োয়ে ৷ ইয়াৰ পিচতে বিটিআৰ প্ৰধান বড়োৱে সেনা-আৰক্ষী আৰু বিভিন্ন বিদ্যালয়-মহাবিদ্যালয়ৰ ছাত্ৰ-ছাত্ৰীয়ে প্ৰদৰ্শন কৰা কুচ-কাৱাজৰ অভিবাদন গ্ৰহণ কৰে ৷
কোকৰাঝাৰত গণৰাজ্য় দিৱসত ৮ খন নতুন নগৰৰ ঘোষণা
গণৰাজ্য দিৱসৰ পতাকা উত্তোলন কৰি বিটিআৰবাসী ৰাইজক উদ্দেশ্যি দিয়া ভাষণত বিটিআৰ প্ৰধান প্ৰমোদ বড়োই অঞ্চলটোৰ শৈক্ষিক, আৰ্থ-সামাজিক,সাংস্কৃতিক, কৃষি, স্বাস্থ্য আদি বিভিন্ন দিশত উন্নয়ন অনাৰ বাবে বিটিআৰবাসী জনসাধাৰণৰ সহযোগিতা কামনা কৰে ৷ লগতে অঞ্চলটোৰ প্ৰতিটো জাতি-জনগোষ্ঠীৰ মাজত শান্তি-সম্প্ৰীতি অটুট ৰাখিবলৈ আহবান জনায় ৷