গুৱাহাটী,12 নৱেম্বৰ: সমাগত দীপাৱলী ৷ পোহৰৰ উৎসৱ দীপাৱলী উদযাপনৰ বাবে সাজু হৈছে সকলো ৷ এই দীপাৱলীৰ প্ৰাক-মুহুৰ্তত প্ৰিয়বন্ধু নামৰ এটা স্বেচ্ছাসেৱী সংগঠনে হাতত লৈছে এক বিশেষ পদক্ষেপ ৷ নাৰেংগী-ফৰেষ্টগেট অঞ্চলৰ বস্তিত বাস কৰা শিশুসকলক প্ৰশিক্ষণ দি তৈয়াৰ কৰিছে শতাধিক ৰং-বিৰঙী চাকি ৷ বস্তিটোত পূৰ্বতে চলা অ-সামাজিক কাৰ্য-কলাপ বন্ধ কৰাৰ উদ্দেশ্যে সংস্থাটোৰ প্ৰতিষ্ঠাপক অৰ্চনা বৰঠাকুৰে প্ৰিয়বন্ধু নামেৰে স্থাপন কৰিছিল এখন বিদ্যালয় ৷ বিদ্যালয়খনত শিক্ষাগ্ৰহণ কৰি থকা 42 টা শিশুৰ লগতে মাতৃসকলকো প্ৰশিক্ষণ দিয়া হৈছিল মাটিৰ চাকি প্ৰস্তুত কৰাৰ ৷ সেয়ে দীপাৱলীৰ আগে আগে ভিন্ন আকৃতিৰ চাকি প্ৰস্তুত কৰি তুলিছে এই শিশুসকলৰ লগতে মহিলাসকলেও ৷
কণ কণ শিশুৰ ৰং-বিৰঙী চাকি প্ৰস্তুত