নাবালিকাক ধৰ্ষণৰ অপচেষ্টা কৰি ৰঙাঘৰলৈ এজন

সমনীয়াৰ লগত খেলি থকা সময়ত টানি নি এগৰাকী 4 বছৰীয়া কিশোৰীক ধৰ্ষণৰ অপচেষ্টা চলোৱাৰ অভিযোগত কোকৰাঝাৰত আটক দেবিলাল ঠাকুৰ নামৰ এজন লোক ।

কোকৰাঝাৰ, 4 মে':ল'ক্ ডাউনৰ সময়তে কোকৰাঝাৰত সংঘটিত হয় এক অপ্ৰীতিকৰ ঘটনা । এগৰাকী 4 বছৰীয়া কিশোৰীক শাৰীৰিকভাৱে অপদস্থ কৰে দেবিলাল ঠাকুৰ নামৰ এজন 40 বছৰীয়া লোকে । সমনীয়াৰ লগত খেলি থকাৰ সময়তে টানি নি কিশোৰী গৰাকীক ধৰ্ষণৰ অপচেষ্টা চলায় বুলিও অভিযোগ উত্থাপন কৰিছে লোকগৰাকীৰ বিৰুদ্ধে ।

পৰৱৰ্তী সময়ত কিশোৰীগৰাকীয়ে মাতৃক সেই ঘটনাৰ বিষয়ে অৱগত কৰাত এই কথা পোহৰলৈ আহে । ইতিমধ্যে কোকৰাঝাৰ আৰক্ষীয়ে এক গোচৰৰ ভিত্তিত লোক গৰাকীক আটক কৰি জেল হাজোতলৈ প্ৰেৰণ কৰিছে । জানিব পৰা মতে, আটকাধীন দেবিলাল ঠাকুৰ কোকৰাঝাৰ চহৰত নাপিত হিচপে কৰ্মৰত ।

লগতে পঢ়কঃহৰেকৃষ্ণ দাস হত্যাকাণ্ডৰ তিনি অভিযুক্তক গ্ৰেপ্তাৰ !