কোকৰাঝাৰত সলিল সমাধি মালিগাঁৱৰ কিশোৰৰ

কোকৰাঝাৰৰ ফকিৰাগ্ৰামত আত্মীয় ঘৰত ফুৰিবলৈ গৈছিল কিশোৰ গৰাকী ৷ তাৰ পৰাই আত্মীয় সঞ্জয় বাছফোৰ সৈতে হেল নদীত গা ধুবলৈ ওলাই যায় কিশোৰ গৰাকী ৷ গা ধুৱাৰ সময়তে দুৰ্ভাগ্যক্ৰমে শ্যাম আৰু সঞ্জয় গভীৰ পানীত ডুব যায় ৷

কোকৰাঝাৰ, ১৯ আগষ্টঃ কোকৰাঝাৰত নদীত গা ধুবলৈ গৈ সলিল সমাধি কিশোৰৰ ৷ মৃত্যু হোৱা কিশোৰজন মালিগাঁৱৰ শ্যাম বাছফোৰ বুলি চিনাক্ত ৷ ঘটনা অনুসৰি, গুৱাহাটীৰ মালিগাঁৱৰ অমৰজিৎ বাছফেৰৰ পুত্ৰ শ্যাম বাছফোৰে সোমবাৰে কোকৰাঝাৰৰ ফকিৰাগ্ৰামত আত্মীয় ঘৰলৈ ফুৰিবলৈ যায় ৷ তাৰ পৰাই আত্মীয় সঞ্জয় বাছফোৰ সৈতে হেল নদীত গা ধুবলৈ ওলাই যায় কিশোৰ গৰাকী ৷ গা ধুৱাৰ সময়তে দুৰ্ভাগ্যক্ৰমে শ্যাম আৰু সঞ্জয় গভীৰ পানীত ডুব যায় । ঘটনাস্থলীত পৰিয়াল তথা স্থানীয় ৰাইজ উপস্থিত হৈ উদ্ধাৰ চলোৱা সময়ত মুমুৰ্ষ অৱস্থাত সঞ্জয় বাছফোৰক উদ্ধাৰ কৰে যদিও শ্যাম বাছফোৰৰ সন্ধান উলিওৱাত ব্যাৰ্থ হয় ৷ পাচত ঘটনাস্থলীত এচডিআৰএফ বাহিনীয়ে অভিযান চলাই উদ্ধাৰ কৰিবলৈ সক্ষম হয় শ্যাম বাছফোৰ মৃতদেহ ৷